“ეს ჭკუის სასწავლი მაგალითი უნდა იყოს ქოცებისთვის” – ზურაბ ბატიაშვილი

ანალიტიკოსი, ზურაბ ბატიაშვილი:

ზუსტად 12 წლის წინ გამოვიდნენ უკრაინელები ქუჩაში რუსეთისა და რუსული მმართველობის გასაპროტესტებლად.

12 წელია ომში იცავენ თავს ურდოს არმიებისგან.
შესანიშნავად იციან, რომ როცა იბრძვი, გადარჩენის შანსი ყოველთვისაა.

თუ არ იბრძვი (და ბრძოლა მხოლოდ ომი არაა), შანსიც არ გექნება და მთელ ქვეყანას ბუჩად გიქცევენ.

აქ ის ამბავიც არ უნდა დაგვავიწყდეს, რომ რომელ უკრაინულ დასახლებულ პუნქტშიც რუსები შევიდნენ, ქალებისა და ბავშვების გაუპატიურების გარდა, წინასწარ გამზადებული სიებით ეძებდნენ ხალხს და ხვრეტდნენ. ამ სიებში იყო ყველა, ვინც თუნდაც 1 დღე დასაქმებული იყო საჯარო სამსახურში (სამხედროები, პოლიციელები, მასწავლებლები, მერიის თანამშრომლები) და მათი ოჯახის წევრები.

რუსები არ უყურებდნენ, ეს ხალხი უკრაინის პრორუსული მთავრობის დროს მსახურობდნენ თუ პროუკრაინულის. ყველას ერთიანად ანადგურებდნენ.

ეს ჭკუის სასწავლი მაგალითი უნდა იყოს ქოცებისთვის. თუ ჰგონიათ, რომ პრორუსობის გამო რუსები მათ დაინდობენ, ძალიან ცდებიან.

უკრაინა კი გაიმარჯვებს!
უკრაინასთან ერთად სიკეთე გაიმარჯვებს!
ჩვენც უნდა გავიმარჯვოთ რუსობაზე!