თბილისის პროკურატურაში ყოფილი პრემიერმინისტრის, მამუკა ბახტაძის აპარატის ყოფილი უფროსი გიორგი ჭოლაძე იკითხება – ინფორმაციას ტვ პირველი ავრცელებს. არსებული ინფორმაციით, ჭოლაძე 20 ივნისის აქციის საქმესთან დაკავშირებით იკითხება.
2019 წლის 20 ივნისის აქციის დარბევისა და ჩორჩანას საგუშაგოს ჩადგმასთან დაკავშირებით, 12 ნოემბერს გიორგი გახარიას წინააღმდეგ სისხლის სამართლებრივი დევნა დაიწყო. მას ბრალდება სსკ-ის 25, 117-ე მუხლის მე-3 ნაწილის „მ“ ქვეპუნქტით და 333-ე მუხლის მე-2 ნაწილით წარედგინა, რაც სასჯელის 13 წლამდე თავისუფლების აღკვეთას ითვალისწინებს. ემიგრაციაში მყოფ ყოფილ პრემიერს აღკვეთის ღონისძიების სახით, ორივე საქმეზე ცალ-ცალკე, დაუსწრებლად შეეფარდა პატიმრობა.
კომენტარები