4 ოქტომბრის აქციის საქმეზე პროკურატურამ დაკავებულ აქტივისტს ნანუ (ნანა) სანდერს კიდევ ერთ ბრალს უმატებს. ამის შესახებ უწყებუს მიერ გავრცელებული განცხადებიდან ირკვევა.
ამ დრომდე სანდერს ჯგუფური ძალადობის ორგანიზებას ედავებოდნენ (სსკ 225-ე მუხლის პირველი ნაწილი) – დანაშაულისთვის 6-დან 9 წლამდე პატიმრობა ემუქრება;
დამატებით მას ედავებიან „ხელისუფლების დამხობისკენ საქვეყნოდ მოწოდებას“ (სსკ 317-ე მუხლი) – დამატებული ბრალი უფრო ნაკლებად მძიმე დანაშაულად ითვლება და სამ წლამდე პატიმრობაა გათვალისინებული.
ერთ ბრალდებულს – ნანა სანდერს კი ბრალდება კვალიფიკაციის ნაწილში უზუსტდება. ბრალდებულს ბრალად წარდგენილი ჰქონდა სისხლის სამართლის კოდექსის 225-ე მუხლის პირველი ნაწილით გათვალისწინებული ქმედება, (ჯგუფური ძალადობის ორგანიზება), ხოლო ამჟამად ბრალდება წარედგინება როგორც 225-ე მუხლის პირველი ნაწილით, ასევე 317-ე მუხლით (საქვეყნოდ მოწოდება საქართველოს კონსტიტუციური წყობილების ძალადობით შეცვლისაკენ ან სახელმწიფო ხელისუფლების დამხობისაკენ)” – წერია განცხადებაში.
კომენტარები