საპატრიარქომ მამა ილიას მღვდელმსახურება შეუჩერა – რას პასუხობს არქიმანდრიტი ილია თოლორაია?

საპატრიარქო დადგენილებას აქვეყნებს და ოფიციალურად აცხადებს, რომ მამა ილია თოლორაიას მღვდელმოქმედების უფლება შეუჩერა:

ბრძანება N 95
სრულიად საქართველოს საპატრიარქოსადმი
(05.11.2025)

სამების საპატრიარქო ლავრის მღვდელმსახურს, არქიმანდრიტ ილიას (თოლორაია), ეპისკოპოსის სიტყვიერი შეურაცხყოფისა და ზოგადად ეკლესიის იერარქებისადმი ცილისმწამებლური განცხადებებისათვის, ეპარქიალური კომისიის წარდგინების საფუძველზე, აეკრძალოს მღვდელმოქმედების უფლება, ვიდრე არ გამოავლენს გულწრფელ სინანულს.

ილია II
სრულიად საქართველოს
კათოლიკოს-პატრიარქი

ამ განკარგულების შემდეგ მამა ილია აცხადებს, რომ რადგან შეუჩერეს მღვდელმსახურება, დაემორჩილება, რადგან ასეა წესი, თუმცა, ითხოვს ილია მეორესთან შეხვედრას. მამა ილია ამბობს, რომ მას აქვს მოსაზრება, რომ ეს ყველაფერი პატრიარქმა არ იცის და მისი გვერდით ავლით კეთდება. არქიმანდრიტი აცხადებს, რომ ის მონანიებას არ აპირებს და არასდროს იქნება მეუფე შიოს მონა.