შიმშილობის მერვე დღე პარალმენტთან – პროტესტის მონაწილეებს კიდევ ორი მოშიმშილე დაემატათ. უწყვეტ აქციაში ახლა 8 პირი მონაწილეობს. ერთ-ერთი მოშიმშილე, რომელიც პრლამენტის წინ აქციის მონაწილეებს შეუერთდა, თამაზ მაჭავარიანია. ის ამ დრომდე პროტესტის უკიდურეს ფორმას პარლამენტის უკანა შესასვლელთან მიმართავდა და ციხეებში არსებულ მძიმე ვითარებას აპროტესტებდა.
მათი ჯანმრთელობის მდგომარეობა ამ ეტაპზე დამაკმაყოფილებელია, თუმცა ის შესაძლოა, ნებისმიერ მომენტში დამძიმდეს. ამ დრომდე არ დაკმაყოფილებულა მათი მოთხოვნა, სასწრაფო დახმარების ბრიგადა გამოუყონ.
დემონსტრანტები ისევ ახალ არჩევნებს და პოლიტპატირმების გათავისუფლებას ითხოვენ.
მე მიმაჩნია, რომ ეს არის პროტესტი, რომელიც ყველა შემთხვევაში, თავის პოლიტიკურ მნიშნელობას შეიძენს და გამრიცხულია, რომ მას არ ჰქონდეს გარკვეული პოლიტიკური ეფექტი. ჩვენ პირდაპირ ეფექტზე არც გვაქვს გათვლა, რომ რეჟიმი გაკეთილშობილდება და ხვალ ადგება და ეტყვის ხალხს, რომ მორჩა, აღარ გარბევთ, აღარ გებრძვით, არანაირი იზოლაცია, ევროპა… ასეთი ფერიცვალების იმედი ჩვენ არ გვაქვს, მაგრამ მიმაჩნია, რომ მაინც ეს ის პროტესტია, რომელიც პოლიტიკურ კლიმატს ცვლის და ჩვენ ერთმანეთს უნდა შემოვუძახოთ, – ამბობს გედევან ფოფხაძე.
კომენტარები