“რა ქარსელაძის წინააღმდეგ ჩვენება კი არა, თვითონ არ გამოუკითხიათ” – გაბუნიას ადვოკატი

ინფრასტრუქტურის მინისტრის ყოფილი მოადგინე, კობა გაბუნია ბრალის დიღმის წინასწარი მოთავსების იზოლატორში ბრალის ოფიციალურად წარდგენას ელოდება.

გაბუნიას ადვოკატი, გოჩა კვირიკაშვილი “პირველებს” ეუბნება:

“როგორც გამოძიება მეუბნება კი, დღეს იქნება ბრალის წარდგენა, მაგრამ დამიკავშირდებიან. მასალები რომ უნდა გადმომცენ აი, ამის შემდეგ რაღაც გარკვეული წარმოდგენა მექნება, გაცნობას ვერ მოვასწრებ, მრავალტომიანი საქმე. თვითონ გაოგნებულია. როგორც მეუბნება, რასაც მედავებიან, არ შედიოდა ეგ ყველაფერი ჩემს “იმაშიო” და ვიღაცის ნათქვამის საფუძველზე ხომ არ შეიძლება პასუხისგებაში მისცე ადამიანი თუ არ გაქვს სხვა მტკიცებულებები. ბრიფინგზე რაც თქვეს, იმას გეუბნებით.

რა ქარსელაძის წინააღმდეგ ჩვენება კი არა თვითონ არ გამოუკითხიათ.  გააჟღერეს საერთოდ ამ საქმესთან დაკავშირებით. გაწერილია ავანსები დაუსაბუთებლად და არ მოხმარდა კერძოს, იმ საკითხს. ეს არის ბრიფინგიდან რაც გავიგეთ, მაგრამ საქმის მასალებით კონკრეტულად რას ედავებიან, ჯერჯერობით ჩვენთვის უცნობია. ქუთაისში დააკავეს, როგორც გავიგე”, – ამბობს გოჩა კვირიკაშვილი.

გუშინ ფინანსთა სამინისტროს საგამოძიებო სამსახურში გამართულ ბრიფინგზე გაირკვა, რომ დაკავებულია ინფრასტრუქტურის მინისტრის ყოფილი მოადგილე, კობა გაბუნია – გამოძიება კობა გაბუნიას სამსახურებრივი უფლებამოსილების ბოროტად გამოყენებას ედავება.

დაკავებულს 30 საბავშვო ბაღის რეაბილიტაციისთვის გამოყოფილი თანხების თაღლითურად დაუფლება ედება ბრალად.

ასევე, გუშინვე ამავე ბრიფინგით ცნობილი გახდა, რომ რეგიონული განვითარებისა და ინფრასტრუქტურის ყოფილი მინისტრის, ირაკლი ქარსელაძის სახლში ჩხრეკა ჩატარდა.

ცნობისთვის, საბავშვო ბაღებისა და სკოლების მშენებლობიდან მოპარული მილიონების საქმის ფარგლებში დაკავებულები არიან შპს “ლაგი კაპიტალის” ხელმძღვანელი პირები, ხოლო მუნიციპალური განვითარების ფონდის ყოფილი აღმასრულებელი დირექტორი დავით ტაბიძეს აღკვეთი ღონისძების სახით გირაო აქვს შეფარდებული.