საზოგადოებრივი მაუწყებლის სამეურვეო საბჭოს თავმჯდომარე, ვასილ მაღლაფერიძემ უარი განაცხადა, შეერთებოდა ამავე საბჭოს დაკავებული წევრის, ლიკა ბასილაია-შავგულიძის მხარდამჭერ განცხადებას, რომელიც საზოგადოებრივი მაუწყებლის სამეურვეო საბჭო წევრებმა, ლაშა ტუღუშმა და ზაზა აბაშიძემ დღეს, 24 ოქტომბერს, გამართულ სხდომაზე წარადგინეს.
უარი თქვა ასევე სამეურვეო საბჭოს კიდევ ერთმა წევრმა, გია იაკობაშვილმა დაკავებული ლიკა ბასილაიასადმი სოლიდარობის გამოცხადებაზე.
მე, რასაკვირველია, არ შემოვუერთდები იმიტომ, რომ ჩემი ინდივიდუალური მოსაზრებაა, ინდივიდუალური და მე არც მისაუბრია კოლეგებთან. მე არც ქუჩის გადაკეტვის სოლიდარული ვარ, არც პოლიციის მანქანებზე ასვლის მიმართ ვარ სოლიდარული და არც შეურაცხყოფების მიმართ ვარ სოლიდარული, არც საჯაროდ და არც შიგნით, არც სხდომის შიგნით… მე, რა საკვირველია, ამის მიმართ სოლიდარული ვერ ვიქნები“, – განაცხადა ვასილ მაღლაფერიძემ.
საზოგადოებრივი მაუწყებლის სამეურვეო საბჭოს წევრი, ლიკა ბასილაია-შავგულიძე პოლიციამ 22 ოქტომბერს იმ დროს დააკავა, როცა ის დაკავებული ჟურნალისტების სოლიდარობის აქციაზე იმყოფებოდა.
კომენტარები