“ის, რომ დღეს ბულვარში სქელტანიანი, მაღალი ხეები შემოგვრჩა კახა მიქაიას დამსახურებაა” – მარიამ სიჭინავა

სამოქალაქო აქტივისტი, მარიამ სიჭინავა:

დღეს არის ის ერთადერთი დღე, როცა ავადმყოფობის გამო ვერ წავედი აქციაზე, ვერც ჩემი დაკავებული მეგობრები მოვიკითხე. მაღალი ტემპერატურისგან დაბინდული გონება, შეიძლება ცუდად მუშაობდეს და ბევრს არ მოეწონოს ეს პოსტი, მაგრამ სრულად წმინდა გონებითაც იგივეს დავწერდი.
ბევრმა ადამიანმა შეიძლება ბევრი ისაუბროს, მაგრამ მე იმას დავწერ, რაც ბავშვობიდან მახსოვს.
ვინც ზუგდიდში ნამყოფია, კარგად იცის ცენტრალურ ნაწილში ბულვარს ასწლოვანი ხეები ამშვენებს. დაახლოებით 14 წლის ვარ, მეზობლები განიხილავენ რომ ბულვარში ხეებს შორის ვიღაცამ ჰამაკი დაკიდა და იქ ძინავს. ყველა შეთანხმდა, რომ ვიღაც გიჟია. ვიკითხე, რატომ ძინავს, სახლი არ აქვს მეთქი? გავიპარე გაკვეთილებიდან, ჩემი თვალით უნდა მენახა. სამი მეტრის სიმაღლეზე მართლა იწვა ვიღაც კაცი და ამ ფორმით, არ აძლევდა უფლებას ხეები მოეჭრათ ბულვარში.
ის, რომ დღეს ბულვარში სქელტანიანი, მაღალი ხეები შემოგვრჩა კახა მიქაიას დამსახურებაა.
ბევრ რამეზე შეიძლება აკრიტიკო ეს ადამიანი წარსულიდან, უბრალოდ აქ და
ახლა, მისი შვილის მხარდამხარ იბრძვის სიმართლისთვის.
Koko Mikaia – იმედია ერთ საკანში მაინც მოხვდებით.