გამოკითხვიდან გამოსვლის შემდეგ დავით ჯანდიერმა თქვა, რომ კითხვები კონფიდენციალურ ინფორმაციას შეეხებოდა, რაც პროფესიულ საიდუმლოებას წარმოადგენს და მათზე პასუხის გაცემას კანონი კრძალავს.
იყო კითხვები, რომლებიც ეხებოდა კლიენტის და ადვოატის ურთიერთობას და ეს შესაბამისად, როგორც კონფიდენციალური ტიპის ინფორმაცია, მასზე პასუხის გაცემას კანონი კრძალავს და შესაბამისად, ასე იყო. როდესაც ადამიანი არის მართალი, სხვა, პარალელური რეალობა ვერ შეიქმნება. იყო მათ შორის შეკითხვა იმასთან დაკავშირებით, ბატონ ქემოკლიძეს ვიცნობდი თუ არა, არასდროს არანაირი შეხება ამ ადამიანთან არ მქონია. მერე იყო შეკითხვა, რომ პენიტენციურ სამსახურთან, მინისტრის მოადგილე რომ ვიყავი და მაშინ საერთოდ ცალკე სამინისტრო არსებობდა, სასჯელაღსრულების სამინისტრო იუსტიციის სისტემაში არ იყო. ზოგადად თქვეს, რომ აი, რომ გავრცელდა ინფორმაცია და ამიტომ საჭირო იყო ამ შეკითხვებზე პასუხის მოსმენა, – ამბობა ჯანდიერი.
ჯანდიერის ადვოკატი ირაკლი ჩომახაშვილი ამბობს, რომ “ოცნებამ” უნდა იცოდეს, რომ თუ მომავალში ადვოკატის გამოკითხვას განიზრახავს, ინტერესბეის დამცველი ყოველთვის გამოიყენებს კონფიდენციალურობის ნაწილს.
ამის შემდეგაც სახელმწიფოს ჰქონდეს მოლოდინი, რომ თუ ადვოკატს დაჰკითხავს, თუ ეს შეეხება მის იმუნიტეტს, ადვოკატი გამოიყენებს კონფიდენციალურობის ნაწილს. ამიტომ, ჩვენი ჩვენება იქნა ფიცის ქვეშ მიცემული და ერთი რამ მინდა, დავაფიქსირო: აბსოლუტურად ყველა ადვოკატი, როგორც დავით ჯანდიერის, ასევე ყველა სხვა დანარჩენი ადვოკატის გვერდით იდგება ყოველთვის, რაც არ უნდა მოხდეს, – ამბობს ირაკლი ჩომახაშვილი.
შეგახსენებთ, რომ საქალაქო სასამართლოში თანაინვესტირების ფონდის ყოფილი ხელმძღვანელის, გიორგი ბაჩიაშვილის ადვოკატი, დავით ჯანდიერი მოწმის სტატუსით გამოიკითხა. გამოცდილი იურისტი გამოკითხვაზე მას შემდეგ დაიბარეს, რაც პროპაგანდისტული მედიით გავრცელდა ინფორმაცია, რომლის მიხედვითაც თითქოს, დავით ჯანდიერი იყო შუამავალი ბაჩიაშვილსა და პენიტენციურის უფროსის ყოფილ მოადგილეს, გიორგი ქემოკლიძეს შორის.
კომენტარები