“ანუ ივანიშვილს გაულახეს პატიმარი, რომლისგანაც უზარმაზარი ღირებულების ბიტკოინები აქვს ამოსაღები?” – ვახო სანაია

ჟურნალისტი, ვახო სანაია:

შეიძლება, გჯერათ. რა ვიცი აბა.

ანუ ივანიშვილს გაულახეს პატიმარი, რომლისგანაც უზარმაზარი ღირებულების ბიტკოინები აქვს ამოსაღები ? გაულახეს საკანში, ჩართული კამერების წინ ?

უბრალოდ, 0,000001 პროცენტს მაინც უშვებთ, ეს ვინმეს გაებედა ივანიშვილის პირდაპირი დავალებისა თუ ნებართვის გარეშე ?

შეიძლება, უშვებთ. რა ვიცი აბა.

ცხადია, გლდანის ციხის უფროსმა იცოდა, როგორ მოხვდა სხვა დაწესებულებიდან სპეციალურად წამოყვანილი პატიმარი ბაჩიაშვილის საკანში. ციხის უფროსს ვიღაცამ უთხრა, რომ ასე იყო საჭირო. ანუ არსებობდა ადამიანი, რომელმაც მას ეს დავალება გადასცა.

დავით გოგობერიშვილის სიკვდილით გაწყდა ჯაჭვი, რომელსაც ადრე თუ გვიან დანაშაულის (ბაჩიაშვილის ცემის) დამკვეთთან უნდა მივეყვანეთ.

ციხის ყოფილმა უფროსმა იცოდა, რატომ და ვისი მითითებით შეასახლეს ბაჩიაშვილთან სხვა პატიმარი. ცხადია, იყო ვიღაც, ვინც მას ეს დაავალა. და იმ ვიღაცას კიდევ ვიღაცამ დაავალა და ბოლოს მოვდივართ დამკვეთამდე.

ახლა ? ეს გზა ჩაჭრილია. მთავარი ჯაჭვი გაწყდა. საკვანძო ფიგურა – ციხის ყოფილი უფროსი მკვდარია.

მე არ ვიცი, ის მოკლეს, თვითმკვლელობამდე მიიყვანეს, სხვისი ზეწოლის გარეშე თავისით გადაწყვიტა სუიციდი თუ რა მოხდა. ასეთ მძიმე ამბავზე მხოლოდ ვარაუდებით დასკვნების გამოტანა არ ივარგებს.

ერთი ნაღდია – ცოცხალი აღარ არის ამ საქმის ყველაზე მნიშვნელოვანი ადამიანი.