“გაბედეთ ხვალ, ხელი დააკარეთ სხვის შვილებს და ვნახოთ რა მოგივათ” – მუხიგულაშვილი კობახიძის მუქარის პასუხად

ემიგრანტი, სამოქალაქო აქტივისტი, გიორგი მუხიგულაშვილი, ირაკლი კობახიძის მუქარას ხვალინდელი აქციის მონაწილეების მიმართ ეხმაურება და “ფორმულასთან” ამბობს”

თუ ვინმეს ჰგონია, რომ ჩვენ გვძინავს, ძალიან სცდება, კობახიძემ, რაც უნდა ილაპარაკოს, ხვალ, ზეგ, წავა და გააგრძელებს თავის ცხოვრებას. ხვალინდელი აქციის პირდაპირი გაშუქებით მინიმუმ 6 ამერიკული და 2 ბრიტანული მედიაა დაინტერესებული. გაბედონ, კიდევ ხელი დააკარონ სხვის შვილებს, გაბედონ… დააკარებთ სხვის შვილებს ხელს და ვნახოთ მერე რა მოგივათ, 

როცა ზედა ეშელონი დასანქცირდა, შუა ფენა დარჩა სანქციების გარეშე, ახლა ჩვენ ვმუშაობთ შსს–ს 64 მაღალჩინოსნის საქმეებზე: სამმარეთველოს უფროსები, სამხარეოს უფროსები, მათი მოადგილეები, ვაკვირდებით, რას იზამენ მათი თანამშრომლები და მაგის მიხედვით მივაწვდით ინფორმაციას დასასანქცირებლად. შუა ფენამ თუ არ იგრძნო საფრთხე, ზედა ფენას დაასანქცირებენ და შეცვლიან, როგორც ვაჟა სირაძე გადაიყვანეს, მაგალითად და ამიტომ, პასუხისმგებლობა უნდა იყოს შუა ფენაზეც. ძალიან უცნაურია ეს ქვედა ფენა, ვალებში იხრჩობიან და უკიდურეს ზონდერობაში არიან და ვნახოთ, ვისი აჯობებს.