“რა დააშავა [ბიძინა ივანიშვილმა], რატომ უნდა დასანქცირდეს?!” – ირაკლი რუხაძე

ბიზნესმენმა ირაკლი რუხაძე მიიჩნევს, რომ ბიძინა ივანიშვილის დასანქცირება ქართულ ბიზნესს დააზიანებს. ამის შესახებ მან “TV პირველთან” განაცხადა.

“რა თქმა უნდა, ნებისმიერი სანქცია, რომელიც არ მუშაობს არანაირად და უტვინოა, დააზიანებს [ბიზნესს]. რა თქმა უნდა, არ მუშაობს [სანქციები]. მე ჩემს სანქციებს არ ველოდები, მაგრამ სანქციები რომ არ მუშაობს, შეგიძლიათ უამრავი წაიკითხოთ ეკონომისტების აზრი. რუსეთში იმუშავა სანქციებმა?! არ იმუშავა, რა თქმა უნდა”, – ამბობს ის TV პირველთან.

მისი მტკიცებით, საგარეო კურსი არ შეცვლილა და ივანიშვილი არ უნდა დასანქცირდეს.

“რატომ? რატომ უნდა გამკაცრდეს ივანიშვილის წინააღმდეგ? რა დააშავა? რატომ უნდა დაჯარიმდეს? არ არის [საგარეო კურსი] შეცვლილი. სად არის შეცვლილი? რა თქმა უნდა, არ არის”, – განაცხადა რუხაძემ.