მარნეულში, სოფელ ყიზილაჯლოში ცეცხლსასროლი იარაღით დაჭრილი კაცი, ილქან კარიევი ამ დრომდე მარნეულის “ავერსის” კლინიკაში რჩება. ექიმების განცხადებით, მას კლინიკაში შეყვანის დროს მუცლის არეში შემავალი ჭრილობა აღენიშნებოდა.
ექიმის განმარტებით, ამ დროისთვის, 21 წლის კაცი რეანიმაციულ განყოფილებაში რჩება. მისი მდგომარეობა სტაბილურია. დაშავებული პოლიციას ჯერ არ დაუკითხავს.
‘”პაციენტი შემოვიდა ცეცხლსასროლი ჭრილობით, აღენიშნებოდა მუცლის არეში, რომელიც ჰგავდა შემავალს. ჩატარდა სათანადო გამოკვლევები, ნანახი იქნა, რომ დაზიანებები არის მუცლის ღრუში და ჩატარდა ოპერაციული მკურნალობა. ამჟამად რეანიმაციულ განყოფილებაშია, ადეკვატურია, გონზეა, კონტაქტურია და სავარაუდოდ დღეს უკვე იქნება პალატაში. ერთ [ჭრილობა ჰქონდა]. ვერ გამოჰკითხავდა [პოლიცია] იმიტომ, რომ შემოსვლისას იყო მძიმე პაციენტი, მაგრამ ისე იყვნენ მოსულები,” – განაცხადა ექიმმა.
ძალოვანი უწყების თანამშრომლების ცნობით, სავარაუდო დამნაშავე ამ დრომდე არ დაუკავებიათ.
კომენტარები