,, ეს ვინმე კობახიძე ამბობს, რომ ჯვარს ატარებენ თურმე მხოლოდ საეკლესიო პირები… ჯვარი აქსესუარი გონია…” – ეკე ბესელია

ეკა ბესელია, რომელსაც დღეს ლევან ხაბეიშვილის მონახულების საშუალება არ მისცეს, დაწვრილებით ინფორმაციას ავრცელებს:

,,დღეს რუსთავის მე 12 დაწესებულებაში მივედი რამდენიმე პატიმრის თხოვნით რათა შევხვედროდი მათ კანონით დადგენილი წესით.

მათ შორის ლევან ხაბეიშვილმა ითხოვა ჩემთან შეხვედრა .

მე არა ვარ ლევან ხაბეიშვილის საქმეში ადვოკატი , მისი თხოვნა იყო მომენახულებინა საპატიმრო დაწესებულებაში .

მიუხედავად ჩემი კრიტიკული დამოკიდებულებისა ამ პარტიის მიმართ , პატიმრობაში მყოფ პირს ვეპყრობი პროფესიული ფიცის დაცვით .

მთავარი აქ ისაა , რომ რუსთავის მე 12 დაწესებულებაში ვერ შევედი დღეს იმის გამო , რომ არ მოვიხსენი ჯვარი .

ჯვრის მოხსნის სანაცვლოდ მომთხოვეს შეშვება , რაც აქამდე არასოდეს ყოფილა .

ამ დაწესებულებაშიც ვყოფილვარ და სხვაგანაც , დგება ოქმი და ფიქსირდება რა ნივთით შედის ადვოკატი .

დღეს არც ოქმი შეადგინეს , არც ხელმძღვანელს დამაკავშირეს , არც არავინ იყო ვინც მოახდენდა რეგირებას .
მხოლოდ ვინმე კობა კობახიძე იქცეოდა უკანონოდ, არაეთიკურად და არღვევდა კანონს ( გვარიც მენიშნა ))

გამეცნო როგორც ცვლის უფროსი ( ესეც ვერ გვითხრა გასაგებად )

საბოლოოდ ვერ შევედი და ხელი შემეშალა , რადგან ჯვარი არ მოვიხსენი .

2 საათი არ იყო არავინ პასუხისმგებელი ამ უკანონობაზე !!!

მივმართავ პაატა სალიას
– ყოფილ ადვოკატს, ეს უკანონობა რაც თურმე წესად არის ქცეული – აღკვეთოს და ნუ აბრუნებს სისტემას წარსულში !

კანონიერი მოთხოვნა არაა მოიხსნას ჯვარი ადვოკატმა !
ეს ღირსების შემლახავი ქმედებაა და არ ვაპირებ მივიღო ეს პრაქტიკა, რომელიც დამკვიდრდა .

კანონი არ იცნობს ასეთ ჩანაწერს .

ეს ვინმე კობახიძე ამბობს, რომ ჯვარს ატარებენ თურმე მხოლოდ საეკლესიო პირები…
ჯვარი აქსესუარი გონია…

მინდა ადვოკატთა ასოციაციის თავმჯდომარეს დავით ასათიანსაც მივმართო , რომ მოახდინოს რეაგირება რათა ადვოკატთა პროფესიული საქმიანობის ხელშეშლის ფაქტები იყოს რეაგირებული!

სხვადასვაგვარად ხდება მოპყრობა ადვოკატის , გამომძიებლის , პროკურორის შესვლის დროს და ეს დაუშვებელია კანონით .

თავის დროზე -2016 წელს მე ვიყავი ინიციატორი სისხლის სამართლის საპროცესო კოდექსის ცვლილების , (364 მუხლი) სადაც ადვოკატი გავუთანაბრეთ პროცესის სხვა მონაწილეებს ( პროკურორი, გამომძიებელი, მოსამართლე) საქმიანობის დაცვის მიზნით !

ან ციხეების რეფორმა 6 წელი რატომ ვაკეთეთ , რომ ისევ წარსულში დავბრუნდეთ ?

ამ ნორმების დაცვა არის ძალიან მნიშვნელოვანი .

ადვოკატის პროფესიას პატივი ეცით , თორემ ყველას გჭირდებათ რაღაც ეტაპზე !!!”

ეკა ბესელია ლევან ხაბეიშვილის მოსანახულებლად არ შეუშვეს – “დაჟინებით ითხოვენ, მოვიხსნა ჯვარი“