თავდასხმა აქციის მონაწილეებზე – თვითმხილველი დეტალებს ჰყვება

მოქალაქე, ლევან ჯობავას ინფორმაციით, რამდენიმე პირმა აქციის მონაწილეებს მარშის დროს აგინა. რის შემდეგაც ის ერთ-ერთ პირს კაფეში შეყვა, რა დროსაც აღნიშნულმა პირმა იარაღი ამოიღო.

ლევან ჯობავას თქმით, მან და სხვა პირებმა თავდამსხმელს იარაღი წაართვეს და პოლიციას გადასცეს.

მოქალაქეს პოლიცია კაფიდან დაახლოებით 1 საათის განმავლობაში არ უშვებდა. რაღაც დროის განმავლობაში მასთან არ შეჰყავდათ ადვოკატი.

ლევან ჯობავას განცხადებით, მას პოლიციამ განუმარტა, რომ თუ დღესვე არ გაყვებოდა გამოკითხვაზე, დაკავებული პირის გაშვება მოუწევდათ. აქტივისტმა მაგისტრი მოსამართლის თანდასწრებით დაკითხვა მოითხოვა.

მე მარშს შევუერთდი რუსთაველის თეატრის მოპირდაპირე მხარეს, როცა მარში მოდიოდა ავტობუსის ზოლში, რა დროსაც გამოჩნდა რაღაც ჯგუფი, რომელიც აგრესიულად და ცინიკურად რეპლიკებს ისროდა მარშის წევრების და აქციის მონაწილეების მისამართით. ამაზე რომ დაიწყო შელაპარაკება, პოლიციამ ხელის კვრით გამოგვწია ორივე მხარე და ეს ჯგუფი როდესაც დაიძრა ბესიკის ქუჩის მიმართულებით –  შეიგინა რამდენიმე წევრმა ამ ჯგუფის და რომ ავყევით, ერთ-ერთი ამ ჯგუფის წევრი შევიდა კაფეში, რომელსაც შევყევი – მოდი მეთქი ვის აგინებდითქო და ამ დროს გასასვლელი რომ არ გამოუჩნდა, კედელთან დადგა, ამოიღო იარაღი, ჩემი მიმართულებით მოიშვირა, მერე მეორე მხარეს მეორე ადამიანს მიუშვირა და დავიჭირეთ და წავართვით იარაღი. იარაღიც და ეს პიროვნებაც ჩავაბარეთ პოლიციას. 

რის შემდეგაც, დაახლოებით 1 საათი, პოლიცია არ მაძლევდა საშუალებას, რომ გარეთ გამოვსულიყავი. გამოკითხულ ინფორმაციას ვიღაცას გადასცემდენენ, მერე რაღაც ზარებს ელოდებოდნენ, მერე შემოვიდნენ – კაი რა იყოო, დამშვიდდიო,  ცეცხლსასროლი კი არ არის შარიკებს ისვრისო. 

შემდეგ უკვე ადვოკატები მოვიდნენ და რომ ვთხოვდი, რომ ადვოკატი შემოეშვათ – არაო, მოიცადეო, ამასაც ათანხმებდნენ ვიღაცასთან. პოლიციამ გარეთ ხალხს უთხრა, რომ თვითონ არ უნდა ადვოკატიო და ბოლოს ადვოკატი შემოუშვეს. განმიმარტეს, რომ თუ მე დღეს არ წავიდოდი გამოსაკითხად, ამ ადამიანს დღეს გამოუშვებდნენ. ვუთხარი, რომ არ ვენდობოდი მათ გამოკითხვას და მინდოდა, რომ მოსამართლესთან ერთად გამოვკითხულიყავი. ჩაინიშნეს მონაცემები, ადვოკატიც ჩააყენეს საქმის კურსში და გვითხრეს, რომ დაგვიკავშირდებიან,” – ამბობს ლევან ჯობავა ტვ პირველთან