4 წლის თავზე მაინც გამოიძიეთ ჩემი შვილის დახვრეტის ამბავი – ამ სიტყვებით მიმართავს თბილისში მოკლული ნიკო კვარაცხელიას დედა ირაკლი კობახიძეს.
დღეს ნიკო კვარაცხელის მკვლელობიდან 4 წელი გავიდა. იზა ომაძე სოციალურ ქსელში ვრცელ პოსტს აქვეყნებს და წერს, რომ ამ წლების განმავლობაში ჯოჯოხეთს გადის.
იქნებ დადაგა დრო კვამლის გამოშვებისა? – მიმართავს კვარცხელიას დედა “ოცნების” ხელისუფელბას.
თქვენმა წინამორბედებმა შეიზილეს ეს საქმე, თქვენც იგივეს აპირებთ ბატონო ირაკლი? – წერს სოცილაურ ქსელში იზა ომაძე.
“მე სასტიკი ტკივილი და უსამართლობა არ მასვენებს, როგორც ხუთი შვილის დედას, ნიკოს დედას, ის ნიკო არ მასვენებს ბევრმა თქვენთაგანმა, სრულიად უცხო ადამიანმა რომ შეიყვარა, ნიკო რომელიც სულში ჩამისახლდა, ორი სულის ამბავი ყველა დედამ იცით, ნურც მხნეობას მისურვებთ, რადგან ღმერთმა უკეთ იცის როგორ შემეწიოს, აი ასე თუნდაც ერთი სიტყვით დაწერეთ:
გამოიძიეთ !!!
გამოიძიეთ ნიკო კვარაცხელიას დახვრეტის ამბავი!!!
ოთხი წლის თავზე მაინც!!!
თუ არა და ყველაფერი ნათელია!!!!
“ამაღამდელო ღამეო,
ნურც გათენდები მალეო.”
არადა ალბათ რამდენი ადამიანი სიხარულით ელოდება განთიადს!!!
ოთხი წელი გადის, ჯოჯოხეთური ოთხი წელი, 2021 წლის15 სექტემბრიდან!!!
საბჭოური ბინძური ხერხით მოფიქრებულმა, გასროლილმა ტყვიამ, დენთის კვამლი, მომწამლელი კვამლი დააყენა ფიქრის გორაზე!!!
ბევრმა ეს კვამლი ნაცნობმა თუ უცნობმა, პირში დაიგუბა, პირ-ში!
მინდა დავსვა კითხვა და შეგახსენოთ, ხელისუფალნო, თავის უფალნო, მეგობრებო, იქნებ დადაგა დრო კვამლის გამოშვებისა???
ღმერთო როგორ გელოდებით , რომ თქვა:
“იქმნას ნათელი!
და მოჰფინო ნათელი ყველფერს და ყველასთვის !
ბატონო პრემიერო იქნებ მოიკითხოთ ახალგაზრდა ბიზნესმენი ნიკო კვარაცხელიას საქმე, როგორც კი 18 წლის გახდა კომპანია დაარეგისტრირა!
ორმა ტერორისტმა, უსულომ, უგულომ და ურწმუნომ , დახვრეტა რა თქმა
უნდა შეკვეთით, რადგან
არცერთი მათგანი არ იცნობდა ნიკოს, საქმე გამოუძიებელია!!!
ვერ შეირჩენს ამ საქმე ვერცერთი ხელისუფალი!!!
თქვენმა წინამორბედებმა შეიზილეს ეს საქმე , წერილი მათაც მივწერე, პასუხი არ დამიბრუნეს!
სად არიან????
აღარ არიან ხელისუფალნი!!!
თავის უფალნიც ვეღარ არიან, ვეღარ!!!
მხოლოდ დრონი მეფობენ, პრემიერო დრო-ნი!!!
თქვენც იგივეს აპირებთ ბატონო ირაკლი???
უსაშველოდ გვენატრები შვილო ნიკო!!!
იცოდე რომ ჯოჯოხეთს გადის შენი ოჯახი უშენოდ!!!!
და უსამართლობაში!!!”- წერს ნიკო კვარაცხელიას დედა.
კომენტარები