სახელმწიფო უსაფრთხოების სამსახურმა, ლევან ხაბეიშვილთან ერთად, ოპოზიციონერი, „კოალიცია ცვლილებისთვის“ წევრი მურთაზ ზოდელავა დააკავა.
როგორც უსაფრთხოების სამსახურში გამართულ ბრიფინგზე ამტკიცებენ, დაკავებისას ხაბეიშვილმა ზოდელავას პირადი მობილური ტელეფონი მიაწოდა, ზოდელავამ კი მისი გადამალვის მიზნით გაქცევა სცადა, რა დროსაც ფიზიკური წინააღმდეგობა გაუწია ანტიკორუფციული სააგენტოს თანამშრომლებს და ერთ-ერთ მათგანზე იძალადა.
სუსი ამბობს, რომ მისი ქმედება სისხლის სამართლის კოდექსის 353-ე მუხლით კვალიფიცირდება, რაც ორიდან ხუთ წლამდე თავისუფლების აღკვეთას ითვალისწინებს.
კომენტარები