უკრაინის პრეზიდენტმა, ვოლოდიმირ ზელენსკიმ განაცხადა, რომ რუსული ყოველდღიური იერიშების ფონზე, მოსკოვში მოლაპარაკებებზე ჩასვლა არ შეუძლია და დაამატა, რომ ვლადიმირ პუტინს თავად შეუძლია ეწვიოს კიევს.
ამის შესახებ მან ABC News-თან ინტერვიუში ისაუბრა.
“მას შეუძლია ჩამოვიდეს კიევში. მე არ შემიძლია მოსკოვში წასვლა, როდესაც ჩემი ქვეყანა ყოველდღიურად რაკეტების, თავდასხმის ქვეშაა. არ შემიძლია ამ ტერორისტის დედაქალაქში წასვლა. პუტინს ეს ესმის”, – განაცხადა უკრაინის პრეზიდენტმა.
ზელენსკიმ ასევე თქვა, რომ რუსეთის პრეზიდენტი ცდილობს თავიდან აირიდოს მასთან შეხვედრა, რაც უკრაინის მიმართ გახშირებული იერიშებიდანაც ჩანს.
ცნობისთვის, პუტინმა 3 სექტემბერს განაცხადა, რომ “ის არასდროს ყოფილა ზელენსკისთან შეხვედრის წინააღმდეგი“.
“თუ ზელენსკი მზად არის, მაშინ დაე, ჩამოვიდეს მოსკოვში. ეს შეხვედრა შედგება”, – თქვა მან.
კომენტარები