იტალიის ქალაქ პერუჯაში საქართველოს ორი მოქალაქე, 40 და 35 წლის მამაკაცები, ქურდობის მცდელობის ბრალდებით დააკავეს.
ადგილობრივი მედიის ინფორმაციით, სამართალდამცველები შემთხვევის ადგილზე მას შემდეგ გამოძახეს, რაც მცხოვრებლებმა შენობაში საეჭვოდ მოძრავი ორი პირი შენიშნეს. ადგილზე მისულმა პოლიციამ ერთ-ერთი კაცი კიბეზე სირბილის დროს დააკავა, მეორე კი მაშინ აიყვანეს, როდესაც ის შენობის დატოვებას საავარიო გასასვლელიდან ცდილობდა.
სამართალდამცველების ცნობით, დაკავებულთაგან ერთ-ერთზე უკვე მოქმედებდა დაპატიმრების ორდერი.
კომენტარები