საერთაშორისო უფლებადამცველი ორგანიზაცია Amnesty International თბილისის საქალაქო სასამართლოს მიერ ანტონ ჩეჩინისთვის 8 წლითა და 6 თვით თავისუფლების აღკვეთის მისჯას უსამართლოდ მიიჩნევს და მის საქმეში სერიოზულ დარღვევებზე მიუთითებს.
ორგანიზაციის ევროპისა და ცენტრალური აზიის მიმართულების დირექტორის მოადგილე დენის კრივოშეევი ამბობს, რომ ანტონ ჩეჩინი პოლიციას ნარკოტიკების ჩადებაში ადანაშაულებს.
კრივოშეევის თქმით, მსგავსი შემთხვევები დაფიქსირდა სხვა მომიტინგეების საქმეებშიც, რომლებიც ნარკოდანაშაულთან დაკავშირებული მუხლებით დააკავეს. ყველა ბრალდებული უარყოფს დანაშაულს და აცხადებს, რომ ნარკოტიკები ჩაუდეს, თუმცა სასამართლომ არასაკმარისი მტკიცებულებების გამო მხოლოდ ორი გაამართლა.
Amnesty International მოითხოვს ანტონ ჩეჩინისა და სხვა მსჯავრდებულების ხელახალ, სამართლიან სასამართლო პროცესს, წინააღმდეგ შემთხვევაში, მიიჩნევს, რომ ისინი დაუყოვნებლივ უნდა გათავისუფლდნენ.
„ანტონ ჩეჩინი აცხადებს, რომ პოლიციამ მას ნარკოტიკები ჩაუდო. მან გაგვიზიარა დაკავების დეტალები: ჩხრეკა ჩატარდა მოწმეებისა და ჩართული სამხრე კამერების გარეშე; მას წაართვეს ქურთუკი და როდესაც დააბრუნეს, მასში ნარკოტიკები „იპოვეს“ – უკვე თარჯიმნის თანდასწრებით, რომელიც შემდგომში ბრალდების მხარემ მოწმედ დაარეგისტრირა.
მსგავს მოვლენებს ვაკვირდებით საქართველოში სხვა მომიტინგეების საქმეშიც, რომლებიც ნარკოდანაშაულთან დაკავშირები მუხლებით დააკავეს. ნარკოტიკებთან დაკავშირებული ბრალდებით გასამართლებული ყველა მომიტინგე უარყოფს წარდგენილ ბრალდებას და აცხადებს, რომ მათ ნარკოტიკები ჩაუდეს. თუმცა, სასამართლომ არასაკმარისი მტკიცებულებების გამო მხოლოდ ორი გაამართლა.
ანტონ ჩეჩინისა და ყველა მსჯავრდადებული პირისთვის ჩვენ ვითხოვთ ხელახალ სასამართლო პროცესს – სამართლიან სასამართლო პროცესს. წინააღმდეგ შემთხვევაში, ისინი უნდა გაათავისუფლონ, – განაცადა მან.
კომენტარები