რუსეთის პრეზიდენტი ვლადიმერ პუტინი ჩინეთში ჩავიდა. იგი ტიანძინში უსაფრთხოების სამიტს უნდა დაესწროს.
რუსული მედიის ცნობით, ოთხდღიანი ვიზიტით ჩასულ კრემლის ლიდერს მეზობელ ჩინეთში წითელი ხალიჩით ტიანძინის მაღალი რანგის პირები დახვდნენ.
ცნობისთვის, შანხაის თანამშრომლობის ორგანიზაციის სამიტის ფარგლებში ჩინეთის პრეზიდენტი სი ძინპინი დაახლოებით 20 მსოფლიო ლიდერს უმასპინძლებს, მათ შორის ინდოეთის პრემიერ-მინისტრ ნარენდრა მოდისაც.
ვიზიტამდე ერთი დღით ადრე, პუტინმა ჩინეთის ოფიციალურ საინფორმაციო სააგენტო „სინხუასთვის“ მიცემულ წერილობით ინტერვიუში გააკრიტიკა დასავლეთის სანქციები და განაცხადა, რომ მოსკოვი და პეკინი ერთობლივად ეწინააღმდეგებიან გლობალურ ვაჭრობაში „დისკრიმინაციულ“ სანქციებს.
კომენტარები