მთავრობამ თბილისში სამგორის ქუჩაზე არსებული სახელმწიფო ქონება პირდაპირი მიყიდვის ფორმით კომპანია „იმედს“ 2 586 016 ლარად გადასცა. ამის შესახებ მთავრობის 22 აგვისტოს 1401-ე განკარგულებიდან ხდება ცნობილი.
დედაქალაქში სამგორის ქ.10-ში მდებარე 5 997 კვ.მ. არასასოფლო-სამეურნეო მიწის ნაკვეთი და მასზე არსებული ნაგებობების პრივატიზებისთვის, კომპანიამ 2 586 016 ლარი 24 თვის განმავლობაში გეგმა-გრაფიკით უნდა გადაიხადოს.
ამასთან, განკარგულების მიხედვით კომპანიის პირდაპირი მიყიდვის ფორმით მიღებას და საპრივატიზაციო თანხის გადახდას, „იმედი“ იმ შემთხვევაში შეძლებს თუ შპს „იმედი“ ამავე განკარგულების გამოცემიდან 3 თვეში უარს განაცხადებს სახელმწიფოსა და მისი ნებისმიერი უწყების მიმართ იმავე ქონებასთან [01.17.11.009.018] დაკავშირებით ყოველგვარ მოთხოვნაზე (მათ შორის თბილისის საქალაქო სასამართლოს წარმოებაში არსებული საერთო სასარჩელო მოთხოვნაზე (საქმე #3/1597-240, როგორც საერთო სასამართლოებში, ისე ნებისმიერ სხვა ქვეყნის, მათ შორის, ადამიანის უფლებათა ევროპულ სასამართლოში ან/და არბიტრაჟში.
აღნიშნული კომპანია “იმედი” 1996 წელს არის დაფუძნებული და მისი 50-50%-იანი წილის მფლობელები გიორგი და ლევან ფაილოძეები არიან.
წყარო: bm.ge
კომენტარები