ვლადიმირ პუტინი, აშშ-ის პრეზიდენტ დონალდ ტრამპთან ბოლო საუბრისას, დაჟინებით მოითხოვდა, რომ მას უკრაინის პრეზიდენტ ვლადიმირ ზელენსკისთან პირისპირ შეხვედრა ჰქონოდა, მიუხედავად იმისა, რომ ამერიკელი ლიდერი სამმხრივი სამიტის ორგანიზებას სთავაზობდა. ამის შესახებ Politico-ს ამერიკული ადმინისტრაციის მაღალი თანამდებობის პირი აცნობს.
აღინიშნება, რომ ვაშინგტონში 18 აგვისტოს გამართულ სამიტზე, სადაც მონაწილეობდნენ აშშ-ის, უკრაინისა და ევროპის ლიდერები, დონალდ ტრამპმა ვლადიმირ პუტინს დაურეკა. აშშ-ის პრეზიდენტმა რუს დიქტატორს ზელენსკისთან სამმხრივი შეხვედრა შესთავაზა, თუმცა პუტინმა უპასუხა, რომ ამერიკელი ლიდერის ჩასვლა საჭირო არ იყო.
გამოცემის წყაროს თქმით, ამის შემდეგ ტრამპის გუნდმა ამ საკითხზე მუშაობა დაიწყო. ასევე, აშშ-ის პრეზიდენტის სპეციალურ წარმომადგენელს სტივ უიტკოფს დაევალა, მხარეებს შორის გარკვეული უთანხმოებები მოეგვარებინა.
კომენტარები