უკრაინის პრეზიდენტმა, ვოლოდიმირ ზელენსკიმ აშშ-ის პრეზიდენტს, დონალდ ტრამპს პირველი ლედისთვის, მელანია ტრამპისთვის უკრაინის პირველი ლედის, ოლენა ზელენსკას წერილი გადასცა.
,,ჩემმა მეუღლემ, უკრაინის პირველმა ლედიმ, წერილი გამომატანა. ეს თქვენთვის არ არის, თქვენი მეუღლისთვისაა,” – უთხრა ზელენსკიმ ტრამპს წერილის გადაცემისას.
ამასთან, უკრაინის პრეზიდენტმა მელანია ტრამპს პუტინისთვის გაგზავნილი წერილისთვის, სადაც მას ბავშვების დაცვისკენ მოუწოდებდა, მადლობა გადაუხადა.
,,დიდი მადლობა თქვენი ძალისხმევისთვის, მათ შორის პირადი ძალისხმევისთვის, რომელიც მიზნად ისახავს მკვლელობების შეჩერებას და ამ ომის შეჩერებას. გმადლობთ და, ამ შესაძლებლობის გამოყენებით, მინდა მადლობა გადავუხადო თქვენს მეუღლეს, აშშ-ის პირველ ლედის. მან ხელი მოაწერა პუტინისადმი გაგზავნილ წერილს ჩვენი გატაცებული ბავშვების შესახებ,” – განაცხადა ზელენსკიმ.
კომენტარები