,, სულ ტყუილად აქვს ვინმეს იმედი, რომ ტრამპი და პუტინი ომს დაამთავრებენ და მერე ორივე იძმაკაცებს ბატონ ბიძინასთან” – დავით ზურაბიშვილი

ყოფილი პარლამენტარი, დავით ზურაბიშვილი:

,,შევეცდები ქოცი კაცისთვის გასაგებ ენაზე მოვყვე თუ რა მოხდა პუტინისა და ტრამპის შეხვედრაზე და რა შედეგები მოჰყვება ამას. წინასწარ ბოდიშს ვიხდი არც მთლად ნორმატიული ლექსიკისთვის, მაგრამ ასე უფრო გასაგებია და სიტუაციის ადეკვატური.

პუტინი აქამდე ცეცხლის შეწყვეტის და სანქციების გაუქმების სანაცვლოდ ითხოვდა: უკრაინამ ჩამაბაროს დონბასის, ლუგანსკის, ზაპოროჟიეს და ხერსონის ოლქები, ნატოზე თქვას უარი, გამოაცხადოს ნეიტრალიტეტი, რუსულ ენას აღუდგინოს სახელმწიფო სტატუსი, შეწყვიტოს რუსული მართლმადიდებლური ეკლესიის დევნა, არმია დაშალოს და ზელენსკი გადადგესო.

ტრამპი პუტინის ამ მოთხოვნებს თავიდან დიდად არც ეწინააღმდეგებოდა და უკრაინამ უნდა დათმოს, რადგან რუსეთი დიდია და მოშჩნი და ზელენსკის კიდევ კოზირები არ უჭირავს ხელშიო, გაიძახოდა, მაგრამ ამაზე ევროპელები დაიზაფრნენ, მიდგნენ, მოდგნენ, შეაწუხეს ხალხი, თავად რესპუბლიკურ პარტიაშიც გამოჩნდნენ უკმაყოფილოები და ტრამპმაც გადათქვა.

ახლა პუტინმა კვლავ მოითხოვა დონბასი და ლუგანსკი მთლიანად, მაგრამ ხერსონსა და ზაპოროჟოეს ოლქებზე თქვა, ჯანდაბას, მაქ რაც არ დამიპყრია, დარჩეს უკრაინას, აღარ მინდაო და ასევე დათანხმდა, რომ დასავლეთმა უზრუნველყოს უკრაინის უსაფრთხოება, ოღონდ ნატოს გარეშე. არმიის დაშლის და ზელენსკის გადადგომის მოთხოვნაც აღარ დაუყენებია.

ამის გაგონებაზე ტრამპის ემისარი მოსკოვში, სტივ უიტკოფი, რომელიც პიტალო სირია და პუტინს მისი დაბოლება თამაშად და უჩანს მღერად, აღფრთოვანდა და ტრამპს აცნობა, ვოვა სერიოზულ დათმობაზე წამოვიყვანეო. ტრამპი, რომელსაც ერთი სული აქვს ომი გააჩეროს, რათა მერე რუსეთს ოფიციალურად ჩაუბრატდეს ჩინეთის წინააღმდეგ (რაც თავისთავად დიდი ყლეობაა და გამორიცხული ამბავი, მაგრამ ამას ჟღალ მიმინოს ვერ აგებინებენ), ასევე აღფრთოვანდა, მოიწვია პუტინი ალასკაზე, დაუგო წითელი ხალიჩა და აქო და ადიდა, ჯიგარი ხარ, ვოვა-ჯან, კაცი შენ ყოფილხარ და ქუდიც შენ გხურებიაო. პუტინსაც რა ენაღვლებოდა, შენ რომ ყოფილიყავი პრეზიდენტი, ეს ომი არც დაიწყებოდაო, გაუგორა იმ ნარცისს, მე შენ იმხელა პატივს გცემ, რაზეა ბაზარიო. თუმცა, ტრამპმა სტუმარი ცეცხლის დაუყონებლივ შეწყვეტაზე მაინც ვერ დაითანხმა, რაც მაგრად გაუტყდა და ბანკეტზეც აღარ დაპატიჟა.

ამის შემდეგ ტრამპი ურეკავს ზელენსკის და კაი ამბავი მაქვს შენთვის, პუტინი დავიყოლიე და ორი ოლქის იმ ტერიტორიებს გითმობს, რომლებიც ჯერ არ დაუპყრია, მაგრამ აპირებსო და მეტი რა ჩემი ფეხები გინდა, ჩამოდი ახლა ჩემთან და გავაფორმოთ ეს ამბავიო. ზელენსკი გადაირია, მაგას შიგ ხომ არა აქვსო და სანამ ამერიკაში ჩავიდოდა, დაგაზა ევროპაში და რამე უთხარით იმ გამოყლევებულს, ფაქტობრივ კაპიტულაციაზე რომ მეჩალიჩება, თორემ ჩემს თავზე პასუხს აღარ ვაგებო. ევროპელებიც დაფაცურდნენ, გადარეკ-გადმორეკეს, ბევრი ვერაფერი გაარკვიეს და მერე ვიღაცას გურული ფრთიანი ფრაზა გაახსენდა ტრამპზე, “მაი არ დეიტიება მარტოო” და ახლა ყველა ლიდერი დამწკრივდა და ზელენსკისთან ერთად მიდიან ამერიკაში. ტრამპს მაინცდამაინც არ სიამოვნებს ასეთი ატმასკა რომ აქვს ევროპაში მისი აზრით უკოზირო ზელენსკის, მაგრამ რა ქნას? არ ჩამოხვიდეთო ხომ ვერ ეტყვის?

არ ვიცი მოახერხებს თუ არა ამხელა წარმომადგენლობითი დელეგაცია ტრამპის დარწმუნებას, რომ რაზედაც პუტინი თანახმაა, ის არანაირი დათმობა არაა, მაგრამ ცხადია პუტინის წინადადებაზე არც უკრაინა და არც ევროპა არ დათანხმდება.

რას იზამს ამის მერე ტრამპი? ჩემი აზრით არაფერ განსაკუთრებულს: კიდევ ერთხელ გაგზავნის უიტკოფს ვოვასთან სალაპარაკოდ, ის კიდევ ერთხელ დააბოლებს ამ სირს და ყველაფერი დაიწყება თავიდან.

და ასე გაგრძელდება 2028 წლამდე, სანამ ამერიკაში ახალი საპრეზიდენტო არჩევნები არ ჩატარდება. მერე რა იქნება, ჩორტივოზნაეტ.

ჰოდა, იმის თქმა მინდოდა, სულ ტყუილად აქვს ვინმეს იმედი, რომ ტრამპი და პუტინი ომს დაამთავრებენ, უკრაინას გაიყოფენ და მერე ორივე იძმაკაცებს ბატონ ბიძინასთან. არ მოხდება ეს და ვინც მაინც ასე ფიქრობს, ის მინიმუმ უიტკოფია ჩემს თვალში ან კიდევ უარესი.“