ძლიერმა წვიმებმა პაკისტანის ჩრდილო-დასავლეთში, ინდოეთის მიერ კონტროლირებად ქაშმირში და ნეპალში მასშტაბური ტრაგედია გამოიწვია – დაღუპულთა რაოდენობამ 400-ს გადააჭარბა, ხოლო ათობით ადამიანი კვლავ დაკარგულად ითვლება.
ადგილობრივი ხელისუფლების ცნობით, მხოლოდ ჩრდილო-დასავლეთ რეგიონში სულ მცირე 321 ადამიანი დაიღუპა. ყველაზე მძიმე ვითარება ფიქსირდება ხაიბერ-პახტუნხვას პროვინციაში, სადაც ძლიერი წვიმებისა და მეწყერის შედეგად ათზე მეტი სოფელი მთლიანად განადგურდა.
საგანგებო სიტუაციების რეაგირების სააგენტო აცხადებს, რომ მეწყერმა გზები ჩამოშალა და გადაადგილება პრაქტიკულად შეუძლებელი გახადა. შედეგად, სამაშველო ბრიგადებსა და სასწრაფო დახმარების თანამშრომლებს დაზარალებულ სოფლებში შესვლა არ შეუძლიათ, სადაც, არსებული ინფორმაციით, მრავალი ადამიანი ნანგრევების ქვეშ რჩება.
კომენტარები