რატომ დაპაუზდა სამი სენატორის გამო MEGOBARI აქტის განხილვა სენატში?- ჟურნალისტი ალექს რაუფოღლუ წერს, რომ “პროცესები ლობისტური ჯგუფების გავლენით შენელდა“.
“ქართულ ოცნებაში“ ადასტურებენ, რომ ისინი ძალისხმევას არ აკლებენ, რომ MEGOBARI აქტი არ იქნას დამტკიცებული, თუმცა, არ აკონკრეტებენ, ამას აკეთებენ თუ არა ლობისტური ჯგუფების დახმარებით.
ლევან მახაშვილი MEGOBARI აქტს “მტრულ დოკუმენტს“ უწოდებს და ამბობს, რომ “ის არ უნდა დამტკიცდეს.“
ის რომ, ეს არის ერთგვარი პოლიტიკური მტრული აქტი, ზოგიერთი პოლიტიკოსის მხრიდან ეს იქნებიდა დამატებით მტრული განცხადება, ეს ერთი და მეორე, ეს ხელს შეუშლიდა ორ ქვეყნას შეორის ურთიერთობის ნორმალიზებას. სწორედ ამ ფაქტორების გათვალისწინებით, სასურველია, რომ ამ აქტმა არ იხილოს დღის სინათლე და მივცეთ დიპლომატიას, თუა ხალ ადმინისტრაციას, სხვებს, ვინც არიან პასუხისმგებლები ამ საქმეში, რომ მოხდეს ორ ქვეყანას შორის ურთიერრთობის ნორმალიზება, მე არ მაქვს ინფორმაცია ლობისტურ ჯგუფებზედა მათ საქმიანობასთან დაკავშირებით, მაგრამ ჩვენი საელჩო, რამდენადაც შესაძლებელია, ჩართულია იმაში, რომ მოხდეს ყველას ინფორმირება ამ აქტთან დაკავშირებით, შესაძლო შედეგებთან დაკავშირებით, -ამბობს მახაშვილი.
Kyiv Post-ის ვაშინგტონის კორესპონდენტი ალექს რაუფოღლუმ გუშინ სოციალურ ქსელში დაწერა, რომ “აშშ-ის სენატში MEGOBARI აქტის დამტკიცებასთან დაკავშირებული პროცესები ლობისტური ჯგუფების გავლენით შენელდა“
ჟურნალისტის ინფორმაციით, რესპუბლიკელი სენატორები რენდ პოლი, მაიკ ლი და მარკუეინ მალინი შეცდომაში შეიყვანეს იმგვარი მტკიცებით, თითქოს MEGOBARI აქტი „მთელ ერს სანქცირებას“ უწესებს.
„წყაროები მეუბნებიან, რომ სამივე სენატორი შეცდომაში შეიყვანეს ლობისტურმა ჯგუფებმა, რომლებიც ამტკიცებენ, რომ MEGOBARI აქტი მთელ ერს ასანქცირებს. ეს არასწორია“, – წერს რაუფოღლუ, რომელიც ასევე თანამშრომლობს გამოცემა Foreign Press USA-სთან.
კომენტარები