ვის ეკუთვნის შენობა “ისტ-ფოინთის” მიმდებარედ? როგორც აღმოჩნდა, თვალჭრელიძის პირველ ნომერში მდებარე შენობა-ნაგებობები კომპანია შპს “ბლექ სი ფროფერთიმ” 2022 წელს შეიძინა. კომპანიას შპს ორიენტბილდ ისთეით-ი ფლობს, რომლის 100%-იც თავის მხრივ აზერბაიჯანის მოქალაქის აბულფაზ მელიკოვის საკუთრებაა.
ოფიციალური ინფორმაციით, შენობა კომპანიამ საინვესტიციოდ შეიძინა. თუმცა ინვესტორსა და შენობაში მცხოვრებ მოსახლეობას შორის შეთანხმება ვერ შედგა.
“კომპანიამ შენობაში შეჭრილები ფართის დატოვებაზე წერილობით და სიტყვიერად არაერთხელ გააფრთხილა, თუმცა უშედეგოდ. სწორედ ამიტომ, 2023 წლის 8 ნოემბერს, “ბლექ სი ფროფერთიმ” საკუთრებაში შეჭრილი პირების გამოსახლების თაობაზე სასამართლოს მიმართა”, – ამბობდნენ კომპანიაში.
თბილისის საქალაქო სასამართლო, 2024 წლის 8 აპრილს დააკმაყოფილა “ბლექ სი ფროფერთის” ყველა სასარჩელო მოთხოვნა, დაადგინა შენობებში შეჭრილი პირების გამოსახლება და ქონების გამოთავისუფლებულ მდგომარეობაში კომპანიისთვის გადაცემა. საბოლოოდ პროცესი რამდენჯერმე გადაიდო.
აღსრულების ეროვნული ბიუროს ცნობით, მიმდინარეობდა მოლაპარაკებები კრედიტორ მხარესთან, რომელიც ასევე მზად იყო, სახელმწიფო უწყებებთან ერთად, ჩართულიყო უკანონოდ მცხოვრები ოჯახების დროებით ქირით უზრუნველყოფის საკითხში, რაზეც ოჯახების ნაწილმა უარი განაცხადა.
საჯარო რეესტრის ეროვნული სააგენტოს დოკუმენტებით დგინდება, რომ თვალჭრელიძის პირველ ნომერში, ამ ტერიტორიის მფლობელი 2023 წლის 28 დეკმებრამდე სწორედ ბიზნესმენი ვანო ჩხარტიშვილი იყო. კომპანია “ბლექ სი ფროფერთი“ აზერბაიჯანელ ბიზნესმნეზე 2023 წლის დეკემბერში გადაფორმდა, იმ დროს კი იქ უკვე ცხოვროვბდნმენ უკანონოდ შეჭრილი მოქლაქეები.
დოკუმენტების თანახმად ნასყიდობის ღირებულება 12 მილიონი დოლარია. ახლა ჩნდება კითხვა, ტერიტორია რეალურად გაიყიდა, თუ აზერბაიჯანელი ბიზნესმენები საქმეში სხვა მოტივით გამოჩნდნენ.
კომენტარები