ევროკავშირი თურქეთის მოქალაქეებისთვის სამოგზაურო ვიზის აღებას ამარტივებს

15 ივლისს ევროკავშირმა თურქეთის მოქალაქეებისთვის შენგენის ვიზის ასაღებად წესები გაამარტივა – ამის შესახებ თურქეთში ევროკავშირის დელეგაციის პრესრელიზშია საუბარი. მათივე თქმით, ეს ნიშანია, რომ ევროკავშირს სურს ბლოკში თურქეთის მოქალაქე უფრო მეტი მოგზაური მიიღოს.

ახალი, ე.წ. კასკადური რეჟიმი გავრცელდება თურქეთის ყველა მოქალაქეზე – გარდა სატვირთო ავტომობილის მძღოლებისა – რომლებსაც შენგენის მოკლევადიანი ვიზის მიღება სურთ და უკვე აქვთ სამოგზაურო ისტორია; მათთვის ახალი წესებით ვიზის მიღება გამარტივდება და დოკუმენტიც უფრო დიდ ხანს იქნება მოქმედი.

კასკადური რეჟიმის პირობებით, თურქეთის ყველა მოქალაქეს, რომელსაც გასული სამი წლის განმავლობაში ორი ვიზით მაინც უსარგებლია დარღვევის გარეშე, შესაძლებლობა ექნებათ მიიღონ შენგენის ზონის 1-წლიანი მულტივიზა;