თემა არის, „ჩვენ ახლა შენ უნდა დაგიჭიროთ, დაგამციროთ ან ვიღაცას ვანახოთ, როგორ „გებლატავებით” – ხაბეიშვილი

ნაცმოძრაობის ყოფილი თავმჯდომარე, ლევან ხაბეიშვილი წულუკიანის კომისიაზე გახარიას ჩართვას ,,პალიტრასთან” ასე ეხმაურება:

,,მართლა წარმოუდგენელია, რასაც ვუყურებთ, ერთმანეთს როგორ ჭამენ. გახარია მისსავე ხელისუფლების პირობებში არის დევნილი.

ასეთი რამ მართლა გაუგებარია. დროს რაში ხარჯავენ, 2-3 საათი, ბოდიში ჟარგონზე და, „ტლიკინებენ“ აბსოლუტურად უსაგნო თემებზე. ჩორჩანაზე კი არ არის საუბარი, საუბარი არის, რომ გახარიას დაჭერა უნდათ. საგნობრივად ხომ არაფერს განიხილავენ, თემა არის, „ჩვენ ახლა შენ უნდა დაგიჭიროთ, დაგამციროთ ან ვიღაცას ვანახოთ, როგორ „გებლატავებით”. რეალობაში, ხალხს უკიდურესი პრობლემები აქვს.

გახარიასთან დაკავშირებით არ მინდა ბევრი რამე ვთქვა, მაგრამ რა არის იცით? ადამიანს როგორ წინ დახვდება ხოლმე… ამბობდა, აბა მიშა თუ მაგარია, ჩამოვიდეს, ჩაჯდესო და ამასობაში, გიორგი, ხომ ხედავ, შენმა მთავრობამ, შენს ფეხქვეშ რომ ეგებოდნენ, ალუდა ღუდუშაურისთვის ათი რომ გეთქვა, ერთს არ შემოგბედავდა და ახლა ერთი არ გაქვს ნათქვამი, თხუთმეტი გითხრა – ამისთანა ხალხმა გააქცია ქვეყნიდან”