ჟურნალისტი მერაბ მეტრეველი:
,,ბევრი კითხულობს, რატომ აბარებს ბიძინა ყველა თანამდებობას და რატომ აძლევს ამდენ ძალაუფლებას კობახიძეს?
ჩემი ვერსიაა, რომ ივანიშვილი მემკვიდრის დასატოვებლად ემზდება. (ან ისინი ვინც მის უკან დგანან)
ხომ გახსოვთ, რუსეთში როგორ შეირჩა ელცინის მემკვიდრედ პუტინი? ჯერ ერთი დანიშნეს პრემიერ-მინისტრად (მგონი კასიანოვი), არ გაამრთლა, ფხა ვერ გამოიჩინა, მოხსნეს მალევე, მერე მეორე (მგონი კირიენკო იყო), ვერც იმან აჩვენა ლიდერის თვისებები, ბოლოს არსაიდან მოიყვანეს პუტინი, რომელიც პირდაპირ სწვდა ხარს რქებში (ერთი რუსული გამოთქმა რომ გადმოვაქართულოთ), და ჩეჩნეთში შევრდა, აჩვენა, რომ არ ყოყმანობს, ყველაფერზე წამსვლელია.
ასე ეძებდა ივანიშვილიც მემკვიდრეს (ან სხევბი ეძებდნენ. როგორც გინდათ), ღარიბაშვილს შანსი ორჯერ მისცა, მაგრამ მისგან არაფერი გამოვიდა, კვირიკაშვილი და ბახტაძე საერთოდ ვერ შედგნენ პოლიტიკურ ფიგურებად. ერთადერთი გახარაიმ გამოიჩინა ფხა, მაგრამ მან ერთგულების ტესტი ვერ ჩააბარა და ბოლოს კობახიძეში იპოვა, რასაც ეძებდა.
ნუ დაგავიწყდებათ, რომ კობახიძე დიდხანს იდგა რიგში, დიდხანს აკვირდებოდა მას ბიძინა, თავიდან არც სერიოზულად უყურებდა და არც ენდობოდა, მაგრამ მან ბოსს დაუმტკიცა, რომ ერთგულიცაა, ყველაფერზე წამსვლელიცაა და რაც მთავარია, დამოუკიდებლად გადაწყვეტილებების მიღების უნარიც აქვს. ეს ბიძინასთვის მნიშვნელოვანია, რადგან მას არ უყვარს, რომ ყველაფერზე ურეკავენ, ახლა რა ვქნათ, ბატონოო. ბატონი დიდადაც არ უნდა შეაწუხო, თან მომავალში, როდესაც მას გადაბარდება ხელისუფლება, ეს თვისება გამოადგება, ამის გარეშე ლიდერი ვერ გახდება.
მემკვიდრის შერჩევის შემდეგი ეტაპია, მისი ავტორიტეტის გაძლიერება. სწორედ ამ მიზანს ემსახურება ივანიშვილის მხრიდან მისი კადრების გვერდით გაწევა და კობახიძისთვის მათი მოხსნის უფლების მიცემა. „ოცნებაში“ შიგნით ყველამ უნდა დაიანხოს, რომ მათი ბოსი უკვე კობახიძეა, რომ მერე, როდესაც მტავარი ბოსი ანუ ბიძინა წავა, ახალ ბოსს არავინ აუჯანყდეს.
დაახლოებით იგივე პროცესი უფრო ადრე დაიწყო ეკლესიაში, როდესაც მოსაყდრე შეარჩიეს, პატრიარქი სანამ ცოცხალია, მან ავტორიტეტი უდნა დააგროვოს. ამისთვის მას ხელოვნურად სეუქმენს სასტარტო პირობები, როდესაც მოსაყდრედ დანიშნეს. უბრალოდ, შიოს უფრო ნაკლები აქვს შანსი ვინმე არ აუჯანყდეს, ვიდრე ირაკლის. ბიძინა, როდესაც საჭიროდ ჩათვლის და მას ოფიციალურად გამოაცხადებს მემკვიდრედ, მის ირგვლივ ძალაუფლება უკვე სრულად იქნება კონსოლიდირებული.
ჯერ-ჯერობით ის მოსაყდრეა“
კომენტარები