ირანმა ისრაელზე კიდევ ერთი მასშტაბური სარაკეტო იერიში განახორციელა — აფეთქებების ხმა გაისმა ქვეყნის მრავალ რაიონში. The Times of Israel-ისა და CNN-ის ინფორმაციით, თავდასხმის მთავარი ობიექტები იყო თელ-ავივი და ქალაქი ჰაიფა, სადაც მდებარეობს ნავთობის გადამამუშავებელი ქარხანა, მსხვილი პორტი და საზღვაო-სამხედრო ბაზა, აგრეთვე თელ-ავივის შემოგარენი.
ორგანიზაცია “მაგენ დავიდ ადომ”-ის მონაცემებით, სამი ადამიანი დაიღუპა ირანული ბალისტიკური რაკეტების შედეგად, ხოლო 60-ზე მეტი დაშავდა.
შეტევის შედეგად დაზიანდა ორი მრავალსართულიანი საცხოვრებელი კორპუსი ცენტრალურ ისრაელში.
ასევე, მედიის ცნობით, რაკეტებმა დააზიანეს ნავთობის გადამამუშავებელი ქარხნის მიმდებარე ტერიტორია ჰაიფაში, რასაც მოჰყვა მასშტაბური ხანძარი.
ისრაელის ელექტროსადგურმა (Israel Electric Corporation) გაავრცელა ინფორმაცია, რომ ირანულმა იერიშებმა დააზიანა ცენტრალური ისრაელის ელექტროგადამცემი ქსელი.
ანალიტიკოსების შეფასებით, ირანის რაკეტული დარტყმები ისრაელზე მიუთითებს, რომ თეირანის ძალები შეძლებენ ხელახალ მობილიზებას მაშინაც კი, როცა ისრაელმა პირველი იერიშის დროს რამდენიმე სამხედრო მეთაური მოკლა.
კომენტარები