“ხალხი წყვეტს” – ამ სახელწოდებით აქციას სტუდუდენტები დღეს მთავრობის ადმინისტრაციასთან გამართავენ. მოქალაქეები ინგოროყვას ქუჩაზე 18:00 საათზე შეიკრიბებიან.
ეს არ არის ერთადერთი აქცია, რომელიც საგანგებოდ დღეისთვის დაიგეგმა. 19:00 ევროპული მომავლის მცველები რესპუბლიკის მოედანზე მივლენ, იქიდან კი “დროშების მარში” პარლამენტისკენ გაემართება.
20:00 საათზე პირველ სკოლასთან წიგნის “პროტესტის ხმა” პრეზენტაცია გაიმართება. წიგნში თავმოყრილია ესეები და ის ფოტოები, რომლებიც სხვად ასხვა ფოტოგრაფებმა პროტესტის 200 დღის განმავლობაში გადაიღეს.
მოქალაქეები თანხმდებიან, რომ ბრძოლა გამარჯვებამდე უნდა გაგრძელდეს.
დღეს პროტესტის 200 დღეა და შეიძლება, ითქვას, თავისებურ იუბილეს აღვნიშნავთ ყველანი, ვინც ვაპროტესტებთ საქართველოში შექმნილ ვითარებას. შვიდ საათზე, საღამოს ვიკრიბებით რესპუბლიკის მოედანთან იმისთვის, რომ კიდევ ერთხელ დავაფიქსიროთ ჩვენი პატივისცემა საქართველოს და საქართველოს დამოუკიდებლობის და თავისუფლების სიმბოლოს, დროშის მიმართ. ამიტომ, ყველანი, ვისაც შეგვიძლია, დავიჭერთ ხელში დროშებს და გავემართებით რუსთავეის გამზირისკენ, რომ კიდევ ერთხელ დავაფიქსიროთ ჩენი მისწრაფება თავისუფლებისკენ, დამოუკიდებლობისკენ და ჩვენი ევროპული მომავლისკენ, – ამბობს პიანისტი ნინო ჟვანია.
კომენტარები