თეა წულუკიანმა საგამოძიებო კომისიაზე, სადაც „ნაციონალური მოძრაობის“ ერთ-ერთი მსხვერპლის, გიორგი ავალიშვილის წამებისა და არაადამიანური მოპყრობის შესახებ მის დას, გიული ავალიშვილს უსმენდნენ, განაცხადა:
„როდესაც პატიმარი, როგორც ამ შემთხვევაში, ქალბატონი გიულის ძმა, ბატონი გიორგი ავალიშვილი უკვე იყო გარდაცვალებასთან ახლოს, იმიტომ, რომ სცემდნენ, სასიკვდილოდ იმეტებდნენ, მათ არ აწყობდათ, რომ ეს სტატისტიკაში ასახულიყო. არ უნდოდათ, რომ ამერიკის მიერ, დასავლეთის მიერ „დემოკრატიის შუქურად“ შერაცხილ სააკაშვილს ციხეში ჰქონოდა მაღალი სიკვდილიანობა, ამიტომ, არსებობდა ასეთი მეთოდი, რომ გარდაცვალებამდე რამდენიმე საათით ან რამდენიმე დღით ადრე, ურეკავდნენ ოჯახს და ეუბნებოდნენ, რომ გათავისუფლებულია და წაიყვანე. ის ადამიანი, რამდენიმე საათში ან რამდენიმე დღეში იღუპებოდა თავის საცხოვრებელ ადგილას და ეს სიკვდილი არ ეთვლებოდა ციხეს. ამას ერქვა „სიკვდილის ექსპორტი“ და ეს აუცილებლად აისახება ჩვენს დასკვნაში. ეს მახასიათებელი იყო, აქამდე საჯაროდ არ განგვიხილავს ისეთი საქმე, რომელიც სიკვდილის ექსპორტს ეხება და მნიშვნელოვანია რომ განვიხილეთ“
კომენტარები