“მადლობა მეგობარ აშშ-ს” – თბილისში დღეს მეტროს პროტესტი გაიმართება

მეტროს პროტესტი თბილისში – დღეს ზუსტად 14:00 საათზე თბილისის მეტროს საპროტესტო შეძახილები მოიცავს. პროტესტის მონაწილეები დელისის, ავლაბრის და სადგურის მოედნიდან ახმეტელის მეტროსადგურამდე მივლენ, საიდანაც დიდი ერთობის მარში მოეწყობა. ბოლო გაჩერება – ამერიკის საელჩოა.

უწყვეტი პროტესტის მონაწილეებს უნდათ, მადლობა გადაუხატონ შტატებს მეგობარი აქტისთვის, რომელიც “ოცნების” მაღალჩინოსნებთან ერთად რეჟიმის დამხმარე რგოლების სანქცირებასაც მოიაზრებს.

უნდა ვუთხრათ მადლობა ჩვენს პარტნიორს და მხარდამჭერს, რომელიც 33 წელია გვიწევს მხარდაჭერას ყველა სფეროში და ასევე ეს მეგობარი აქტიც არის დასტური ამ ერთგული მეგობრობისა. ორ საათზე შევიკრიბებით სამ მეტროსთან: დელისის მეტროსთან, სადგურის მოედანზე და ავლაბარში და მეტროს პროტესტს გავმართავთ, მეტროთი წავალთ ახმეტელის მეტრომდე. მერე წავალთ ამერიკის საელჩოსთან. ასევე იქნება უბნებში შესვლა, რომ ავახმაუროთ მთელი თბილისი. ორგანიზატორი არის “ერთობა”. “ერთობა” აერთიანებს ბევრ ორგანიზაციას და აქტივისტს, იქნება ეს “ფარი”, სტუნდეტები და სხვა ორგანიზაციები, – ამბობს მაგდა მამუკაშვილი.