მაისი ახალი ენერგიების, ცვლილებებისა და წინსვლის დროა. ასტროლოგიურადაც ეს თვე საკმაოდ აქტიურია – პლანეტური გადაადგილებები, ახალი მთვარე და სხვა ასპექტები პირდაპირ გავლენას ახდენს ჩვენს ემოციურ და მატერიალურ მდგომარეობაზე.
ცნობილია, რომელ ზოდიაქოს ნიშნებს გაუმართლებს განსაკუთრებით მაისში:
1. კურო (20 აპრილი – 20 მაისი)
მაისი კუროს თვეა და ეს უკვე ბევრ რამეს ნიშნავს. მზე და ვენერა კუროს ნიშანში გავლენას ახდენს არა მხოლოდ მათ ხასიათზე, არამედ იღბალზეც. კუროს განსაკუთრებით გაუმართლებს ფინანსურ საკითხებში – შესაძლოა მოულოდნელი შემოსავალი, პრემიები ან საინტერესო შემოთავაზებები. ასევე ეს თვე იდეალურია პირადი ურთიერთობებისთვისაც – მოსალოდნელია ჰარმონია და სიახლეები სიყვარულში.
2. ქალწული (23 აგვისტო – 22 სექტემბერი)
ქალწულებისთვის მაისი იქნება პროდუქტიული და წარმატებებით სავსე. მათი შრომისმოყვარეობა დაფასდება. განსაკუთრებით კარგი პერიოდი იქნება კარიერული წინსვლისთვის. თუ გრძნობდით, რომ ბოლო დროს თქვენს ძალისხმევას არ აფასებდნენ, მაისში ეს შეიცვლება. გარდა ამისა, ჯანმრთელობის გაუმჯობესებაც არის მოსალოდნელი.
3. თხის რქა (22 დეკემბერი – 19 იანვარი)
თხის რქები მაისში იგრძნობენ შვებას და სტაბილურობას. ფინანსური საკითხები დასტაბილურდება, ხოლო ძველი პრობლემები ეტაპობრივად მოგვარდება. ზოგიერთი თხის რქისთვის ეს თვე შესაძლოა მნიშვნელოვანი ცხოვრებისეული გადაწყვეტილებების მიღების დრო იყოს – მაგალითად, ახალ სახლში გადასვლა, ოჯახის შექმნა ან კარიერული ცვლილება.
4. კირჩხიბი (21 ივნისი – 22 ივლისი)
კირჩხიბებისთვის მაისი იქნება ენერგიული, პოზიტიური და სავსე ახალი შესაძლებლობებით. განსაკუთრებით გაუმართლებთ მათ, ვინც მოღვაწეობს შემოქმედებით სფეროში – შთაგონება და ახალი იდეები არ მოაკლდებათ. ასევე ეს თვე იდეალურია ურთიერთობების გასაუმჯობესებლად და ახალ ადამიანებთან დასაკავშირებლად.
5. მშვილდოსანი (22 ნოემბერი – 21 დეკემბერი)მშვილდოსნებისთვის მაისი სავსეა სიურპრიზებით. შესაძლოა მოულოდნელი მგზავრობა, ახალი პროექტები ან შეხვედრა ადამიანთან, რომელიც დიდ გავლენას მოახდენს მათ მომავალზე. მშვილდოსნებს ბევრი პოზიტიური ემოცია ელით – მთავარია, იყოთ ღია ცვლილებებისადმი.
კომენტარები