ჰარვარდის უნივერსიტეტმა აშშ-ის პრეზიდენტის დონალდ ტრამპის წინააღმდეგ სარჩელი შეიტანა, რომელშიც ამტკიცებს, რომ ტრამპის ადმინისტრაცია “ჰარვარდში აკადემიურ გადაწყვეტილებებზე კონტროლის მოპოვებას” ცდილობს.
უნივერსიტეტი ებრძვის პრეზიდენტის ადმინისტრაციის მუქარას, გადახედოს დაახლოებით 9 მილიარდი დოლარის ფედერალურ დაფინანსებას მას შემდეგ, რაც ჰარვარდის ოფიციალურმა პირებმა უარი თქვეს მოთხოვნების სიის შესრულებაზე, რომელიც მოიცავდა გარე ზედამხედველის დანიშვნას. კერძოდ, ჰარვარდის უნივერსიტეტი ცდილობს, ტრამპის ადმინისტრაციის მიერ გამოცხადებული 2.2 მილიარდი დოლარის ფედერალური დაფინანსების გაყინვა შეაჩეროს.
უნივერსიტეტმა სარჩელი მას შემდეგ შეიტანა, რაც პრეზიდენტის ადმინისტრაციამ ღაზას ომთან დაკავშირებული სტუდენტური აქტივიზმის თვეების შემდეგ Ivy-ლიგის რამდენიმე უნივერსიტეტში ცვლილებების შეტანა სცადა. ადმინისტრაციამ კამპუსის პროტესტი ანტიამერიკულად შეაფასა, ხოლო უნივერსიტეტები ლიბერალურ და ანტისემიტურად, რაც ჰარვარდის პრეზიდენტმა, ალან გარბერმა, უარყო.
ჰარვარდი პირველია უნივერსიტეტებს შორის, რომელმაც სარჩელი შეიტანა. აშშ-ის მთავრობამ ასევე გაუყინა ან გაუუქმა დაფინანსების ნაწილი ისეთი უნივერსიტეტებს, როგორიცაა კოლუმბიის, პრინსტონის, ბრაუნის, კორნელის და ნორთვესტერნის უნივერსიტეტები.
ცნობისთვის, მანამდე, გავრცელდა ინფორმაცია, რომ თუ ჰარვარდის უნივერსიტეტი არ დააკმაყოფილებს ტრამპის ადმინისტრაციის მოთხოვნას, გაუზიაროს მათ ზოგიერთი სასწავლო ვიზის მფლობელის შესახებ ინფორმაცია, შესაძლოა უცხოელი სტუდენტების მიღების შესაძლებლობა დაკარგოს.
კომენტარები