“ომი გინდათ? ვიწყებთ ჩვენ უკვე” – ასე მიმართა სინდისის პატიმრის, საბა სხვიტარიძის დედამ “ქართულ ოცნებას”. რეჟიმის ტყვის მშობელი უწყვეტ ბრძოლას აანონსებს იქამდე, ვიდრე ივანიშვილის რეჟიმი კომპრომისზე არ წავა და გისოსებს მიღმა გამოკეტილ ახალგაზრდებს არ გაათავისუფლებს.
ელენე ახობაძე “პირველებთან” აცხადებს, რომ დროთა განმავლობაში “გაჭირვება ყველას დაუკაკუნებს”, სწორედ ამიტომ მოქალაქეებს ქუჩაში გამოსვლისკენ და ხმის ამაღლებისკენ მოუწოდებს.
“ჩვენ აუცილებლად გავაგრძელებთ ბრძოლას. 8 აპრილს გავათენებთ. ვიწყებთ მოძრაობას. მოვუწოდებთ ყველას, დადგნენ ჩვენ გვერდით. მარტო ჩვენთან არ არის გაჭირვება, აუცილებლად დაუკაკუნებს ყველას ეს გაჭირვება. ეს პრობლემა ყველას დაუდგება სხვადასხვა ფორმით. მინდა დავესესხო ე.წ. მთავრობას. წლებია გვეძახის, ომი გინდათ? ახლა ჩვენ ვკითხავთ, ომი უნდათ? ვიწყებთ ჩვენ უკვე”. – განაცხადა ელენე ახობაძემ.
ცნობისთვის, სინდისის პატიმრების ოჯახის წევრები საზოგადოებრივ მოძრაობას ქმნიან.
კომენტარები