ძლიერი წვიმისა და შტორმ „მარტინიოს” გამო, ესპანეთის რამდენიმე ქალაქში საგანგებო მდგომარეობა გამოცხადდა. მადრიდის მახლობლად მდებარე მუნიციპალიტეტ მეხორადა დელ კამპოში წყალდიდობის გამო 48 ადამიანია ევაკუირებული. მადრიდში კი რამდენიმე გზაზე გადაადგილება შეიზღუდა. ათობით გზა გადაიკეტა და მდინარეები ადიდდა ცენტრალურ და ჩრდილოეთ ესპანეთის რაიონებშიც.
სამხრეთ ანდალუსიის რეგიონში დაკარგულია ერთი ადამიანი.
ესპანეთში ბოლო ორი კვირაა ნალექია, განსაკუთრებით კი ქვეყნის სამხრეთით. ძლიერი წვიმების შედეგად გადაიტვირთა წყალსაცავები და მდინარის ნაპირები.
კომენტარები