რომის პაპ ფრანცისკეს მდგომარეობა კრიტიკულია – მედია

რომის პაპ ფრანცისკეს მდგომარეობა რესპირატორული კრიზისის შემდეგ კრიტიკულია, – ინფორმაციას BBC ვატიკანის განცხადებაზე დაყრდნობით ავრცელებს.

„მას ჰქონდა ასთმის მსგავსი რესპირატორული კრიზისი და დასჭირდა სისხლის გადასხმა. სისხლის გადასხმა აუცილებელი იყო, რადგან ანალიზებმა აჩვენა, რომ მას ჰქონდა თრომბოციტების ძალიან დაბალი რაოდენობა, მიახლოებული ანემიასთან. მისი მდგომარეობა რჩება კრიტიკული“, – ნათქვამია ვატიკანის განცხადებაში.

ვატიკანის ინფორმაციითვე, რომის პაპს სასუნთქი გზების მძიმე ინფექცია აქვს. 88 წლის პონტიფიკოსი კლინიკაში 14 თებერვალს გადაიყვანეს.

„ის უფრო ცუდად არის, ვიდრე გუშინ”, – ნათქვამია განცხადებაში.