საქართველოს პარლამენტის პირველი ვიცე-სპიკერი გიორგი ვოლსკი ევროპარლამენტის იმ რეზოლუციას აფასებს, რომელსაც კენჭს დღეს უყრიან. მისი განცხადებით, ევროპარლამენტის რეზოლუციას ჩირის ფასიც არ აქვს.
„ევროპარლამენტს არ შეუცვლია არც ზნე, არც ჩვევები. ის რეზოლუციები, რაც აქამდე იყო მიღებული, ახალი პროექტისგან არაფრით განსხვავდება. რაც შეეხება ამ დესპანებს, რომლებიც ჩავიდნენ იმისათვის, რათა ევროპარლამენტის წინაშე გამოვიდნენ კვლავ რაღაც გაუგებარი პროგრამით და პერფორმანსით, ერთადერთი აქვთ მიზნად, რომ როგორმე სირთულე შეუქმნან საკუთარ ქვეყანას. არც ევროპარლამენტის რეზოლუცია არ ღირს ჩირის ფასად და არც ამ თაღლითების გამოსვლას არ აქვს არანაირი მნიშვნელობა“, – განაცხადა გიორგი ვოლსკიმ.
ევროპარლამენტი დღეს საქართველოს საკითხზე რეზოლუციას კენჭს უყრის.
რეზოლუციაში, სავარაუდოდ შესული იქნება მიხეილ სააკაშვილის დაუყოვნებლივ გათავისუფლების, საქართველოსთვის ვიზალიბერალიზაციის საკითხის გადახედვის, ბიძინა ივანიშვილის, მაღალჩინოსნების, მედიამფლობელებისა და მოსამართლეების დასანქცირების საკითხები.
სტრასბურგში იმყოფებიან რადიკალური ოპოზიციის წარმომადგენლები – ნიკა გვარამია და ზურა გირჩი ჯაფარიძე. ისინი ევროპარლამენტში სიტყვით უკვე გამოვიდნენ.
კომენტარები