,, ამას მხოლოდ “ღორის ტილი” იკადრებს… ბანძი!”- ბაკურ ბაკურაძე სოფო გელოვანზე -

14,124

11 თებერვალს, თბილისის დიდ საკონცერტო დარბაზში, ლილიკო ნემსაძის საიუბილეო კონცერტი, “ჩუმად ნათქვამი“ გაიმართა. ღონისძიება კომპოზიტორის 30-წლიან შემოქმედებას მიეძღვნა და მისი ყველაზე ცნობილი ჰიტები შესრულდა.

პროექტის მხარდამჭერი გახლდათ საქართველოს კულტურისა და სპორტის სამინისტრო და თბილისის მერია. ღონისძიებას ესწრებოდა თინათინ რუხაძეც..

მონაწილეებს შორის იყო მომღერალი სოფო გელოვანი, რომელსაც 15 წლის ასაკში ლილიკო ნემსაძემ “ხორუმი“ დაუწერა და ამ სიმღერაზე კლიპიც გადაიღო.

ამჯერად ფილარმონიის სცენიდან სოფო გელოვანმა სიმღერის დასრულების შემდეგ პოლიტიკური განცხადება გააკეთა:

,,ამ სიმღერის შემდეგ, თუ არ ვთქვი ჩემი სათქმელი, მაშინ არც ჩემი სიმღერა იქნება გულწრფელი და არც ჩემი ხმა მართალი. ამ წუთას, ამ სცენიდან მინდა სოლიდარობა გამოვუცხადო ყველა იმ პატიმარს, ვისაც უსამართლოდ ართმევენ ხვალინდელ დღეს” – განაცხადა მომღერალმა (ამბები.ჯი)

ამ ფაქტს სოციალურ ქსელში გამოეხმაურა პროდიუსერი ბაკურ ბაკურაძე:

,,სხვის იუბილეზე, სხვის ორგანიზებულ და მოწყობილ საღამოზე, სხვისი მაყურებლისა და თაყვანისმცემლის წინაშე მიწვეული სტუმარი მოიქცე ისე, როგორც საკუთარ საღამოზე არის უკიდურესი უკულტურობის, უზრდელობის და სამარცხვინო ქცევის მაგალითი. ამას მხოლოდ “ღორის ტილი” იკადრებს.
ხოლო, ეს ყველაფერი გააკეთო არა ემოციის გამო სპონტანურად, არამედ დაგეგმო წინასწარ თავისი ტაშისმკველების მიყვანით და ვიდეო გადაღებით, არის გარეწრობა. ზუსტად ისეთი მოყვარე რომ გგონია და თურმე მტერს შეუშვებ ადამიანი სახლში.
ყველა არ იმსახურებს არც სცენაზე დგომას და არც ხელოვანის სახელს.
ვინც იცით რაზეც ვსაუბრობ და მის ქცევას ეთანხმებით და მხარს უჭერთ გამეხარდება თუ კომენტარებში გამოჩნდებით. მაინც მინდა ვიცოდე ვინ და რამდენი ბოგანო შემორჩით ჩემს სანაცნობო წრეს.
გმადლობთ ყურადღებისათვის!
ლილიკო ნემსაძე, გილოცავ ჩემო ოქრო შესანიშნავ საღამოს, წარმატებას და ბედნიერებას გისურვებ.
ძალიან გული დამწყდა რომ ვერ ვიყავი შენს გვერდით, თუმცა მალე შევხვდებით “ავტოგრაფის” გადაღებებზე.
P.S. ბანძი!
ლელა წურწუმია, მერაბ სეფაშვილი
თქვენ ხართ ნამდვილი პროფესიონალები და ამას ჩემი შეფასება არ სჭირდება, თუმცა ამ შემთხვევაში, აღნიშვნა და დიდი პატივისცემის გამოხატვა თქვენდამი აუცილებლად ჩავთვალე”