საპატრულო პოლიციას დღეს 100 ახალი ავტომობილი გადაეცა. ოპერატიული დანიშნულების ავტომობილების შესყიდვის ტენდერი 2024 წლის ოქტომბერში გამოცხადდა, რომელშიც შპს ავტო ცენტრ თბილისმა (შკოდა საქართველომ) გაიმარჯვა. ტენდერი 250 ახალი ავტომობილის ყიდვას მოიცავდა.
მისი ღირებულება ერთ ავტომობილზე 73,136 ლარს, ანუ ჯამურად 18.3 მილიონ ლარს შეადგენდა.
ახალი ოპერატიული ავტომობილებიც არსებულის მსგავსად SKODA OCTAVIA-ს მოდელის იქნება.
შსს-მ საპატრულო პოლიციის ავტოპარკი განაახლა 2023 წელსაც, როდესაც ორი ტენდერით 305 ოპერატიული დანიშნულების ავტომობილი შეიძინა. აღნიშნულ ტენდერშიც შკოდა საქართველომ გაიმარჯვა და მისი ღირებულება 20.4 მილიონ ლარს შეადგენდა.
კომენტარები