უკანონოდ დაკავებულ მომიტინგეებს შორისაა ირინა სარიშვილის ვაჟიც-ლუკა სარიშვილი. ის ამ წუთებში ზაჰესის იზოლატორშია მოთავსებული. ახალგაზრდა ნაცემია, მას დაზიანებები ზედაპირული დათვალიერებითაც აღენიშნება.
ირინა სარიშვილის თქმით, მის შვილს, წინა დაკავების მსგავსად, ახლა არ გაუმართლა და ისეთ ავტობუსში მოხვდა, სადაც ფიზიკურად გაუსწორდნენ.
“ისეთ დროში ვცხოვრობთ, რომ ეს უნდა გაგვიხარდეს, რომ სახის ძვლები დამტვრეული არ არის და ჰემატომებიც არ არის“– ამბობს ირინა სარიშვილი.
მან დაინახა, როგორ განსაკუთრებული სისასტიკით დააგდეს ბადრი გრიგალაშვილი, შევიდა იმ ადგილას დასახმარებლად. სავარაუდოდ, იქაც მოხვდა. მერე შეაგდეს ავტობუსში, და პირველი დაჭერისგან განსხვავებით, დიდი ალბათობით, ისეთ ავტობუსში მოხვდა, სადაც სცემდნენ. პირველად რომ დაიჭირეს, იქ არ სცემეს, სახლშიც დაარეკინეს, რომ არ გვენერვიულა, ახლა დილის 5 საათამდე ვერაფერი გავიგე. დაზიანებებს რაც შეეხება- როგორც დამამშვიდეს, არ არის მოტეხილობები და შესაბამისად, არ მოხვდა საავადმყოფოში. ისეთ დროში ვცხოვრობთ, რომ ეს უნდა გაგვიხარდეს, რომ სახის ძვლები დამტვრეული არ არის და ჰემატომებიც არ არის“, – ამბობს ირინა სარიშვილი. (ტვპირველი)
კომენტარები