ვერძი
ამ დღეს ყველაზე მეტად საყვარელი ადამიანების მხარდაჭერა გჭირდებათ. მათთან ერთად პრობლემების გადაჭრა გაცილებით ადვილი იქნება. მუშაობაში დაშვებული შეცდომები გაიძულებთ, საქმეში „თავით გადაეშვათ“. მეორეხარისხოვან საქმეებზე დროს ნუ დაკარგავთ, ამ დღეს მხოლოდ ყველაზე მნიშვნელოვან საკითხებზე უნდა იმუშაოთ. გაითვალისწინეთ, რომ ამას იმაზე მეტი დრო დასჭირდება, ვიდრე ელოდით.
კურო
დაძაბული და მნიშვნელოვანი საქმეებით დატვირთული დღეა. ბევრი სამუშაო გელით, რომელიც სწრაფად და სავარაუდოდ, მარტომ უნდა შეასრულოთ. მოსალოდნელია ჯანმრთელობასთან დაკავშირებული პრობლემები, თუმცა – სერიოზული არაფერი. გირჩევთ, ცოტა ხანი სახლში დარჩეთ. ყურადღება მიაქციეთ კვების რეჟიმს და ზომიერება დაიცავით.
ტყუპები
დიდი მოცულობის სამუშაოს დამოუკიდებლად ვერ გაუმკლავდებით, ამიტომ ეცადეთ, დამხმარეები იპოვოთ და გუნდურად იმუშაოთ. შესაძლოა უსიამოვნო სიახლე გაიგოთ, მაგრამ ეს ინფორმაცია უფრო სერიოზული პრობლემების ასაცილებლად გამოგადგებათ. მოერიდეთ უფროსთან და კოლეგებთან კამათს და ეცადეთ, საქმე დაპირისპირებამდე არ მიიყვანოთ.
კირჩხიბი
გირჩევთ, ურთიერთობაში საზღვრები დააწესოთ და გაარკვიოთ, რა არის დასაშვები და რა არა. ეს უხერხულობას და პრობლემებს თავიდან აგაცილებთ. ეცადეთ, ძალები რაიმე ახალ და უჩვეულო საქმეში მოსინჯოთ ან იქ წახვიდეთ, სადაც არასოდეს ყოფილხართ. მშვენიერი დღეა ახალი გამოცდილების მისაღებად. საქმიანი მოლაპარაკებები თქვენთვის სასურველი სცენარით განვითარდება, მაგრამ ყველა დაპირებას, რომელსაც დღეს მოისმენთ, არ უნდა დაუჯეროთ.
ლომი
ამ დღეს აქტიურობა და შრომისმოყვარეობა კარიერულ წინსვლაში დაგეხმარებათ. გირჩევთ, ყურადღების ცენტრში იყოთ, რათა თქვენი უნარები საქმიანმა ადამიანებმა შენიშნონ. ნუ ინერვიულებთ იმის გამო, რომ კოლეგები თქვენს ზოგიერთ იდეას აკრიტიკებენ. მოვა დრო, როცა ამის გამო ბოდიშს მოიხდიან. გირჩევთ, საყვარელი ადამიანების მიმართ მეტი ყურადღება გამოიჩინოთ. გაითვალისწინეთ, რომ კონფლიქტი შეიძლება ურთიერთობის გაწყვეტით დასრულდეს.
ქალწული
რაღაც საინტერესო საქმე იმდენად გაგიტაცებთ, რომ გარშემო სხვას ვერაფერს ამჩნევთ, ამიტომ 31 იანვრისთვის მნიშვნელოვანი არაფერი დაგეგმოთ. მოერიდეთ კოლეგების გაკრიტიკებას, რათა კარგი ურთიერთობები არ გააფუჭოთ. წლების განმავლობაში დაგროვილი ცოდნა და გამოცდილება თქვენი ავტორიტეტის განმტკიცებას ხელს შეუწყობს. სავარაუდოდ, კარიერული წინსვლის შანსი გექნებათ. კარგი რჩევების მიცემის უნარი გუნდში თქვენს პოპულარობას აამაღლებს.
სასწორი
რაც უფრო მეტ ახალ ადამიანს შეხვდებით, მით უფრო მაღალია შანსი, რომ მნიშვნელოვან ადამიანს შეხვდეთ და სერიოზული ურთიერთობა დაიწყოთ. შეთავაზებებზე და მოწვევებზე უარს ნუ იტყვით – ამან შეიძლება თქვენი ცხოვრება უკეთესობისკენ შეცვალოს. მშვიდად იმოქმედეთ და ნაჩქარევ გადაწყვეტილებებს ერიდეთ. თქვენთვის ახლა დასვენება ძალიან მნიშვნელოვანია, მაშინაც კი, თუ გარემოებები მაღალი აქტივობისკენ გიბიძგებთ.
მორიელი
ენერგიით სავსე ხართ, რაც საშუალებას გაძლევთ დიდი მოცულობის სამუშაო სწრაფად და ეფექტურად დაასრულოთ. რთულ ამოცანებთან შებრძოლება ნუ შეგეშინდებათ – ამ დღეს იღბალი თქვენს მხარესაა. ზოგჯერ გაძლიერებული ემოციურობა სწორი გადაწყვეტილებების მიღებაში ხელს გიშლით. ფიზიკური ვარჯიში ან სუფთა ჰაერზე სიარული სტრესის მოხსნაში დაგეხმარებათ. თქვენი ოჯახი და მეგობრები მზად არიან ნებისმიერი პრობლემის გადაჭრაში დაგეხმარონ. კარგი იქნება, თუ მივლინებას და შორ გზაზე მოგზაურობას გადადებთ.
მშვილდოსანი
ვარსკვლავები გირჩევენ, რომ ემოციები აკონტროლოთ და კამათში არ ჩაერთოთ. ეცადეთ, 31 იანვარს ყურადღების ცენტრში იყოთ და ბიზნესში იაქტიუროთ. სავარაუდოდ, თქვენს აქტიურობას გავლენიანი ადამიანი შენიშნავს და მომავალი პროექტებისთვის სპონსორს იპოვით. შესაძლოა, გეგმების შეცვლა და მნიშვნელოვანი პროექტების დაჩქარება მოგიწიოთ. არ ინერვიულოთ, ყველაფერს წარმატებით გაუმკლავდებით.
თხის რქა
თუ სწრაფად და პრინციპულად იმოქმედებთ, ამ დღეს შეიძლება ზოგიერთ რთულ საკითხში მნიშვნელოვან პროგრესს მიაღწიოთ. ყურადღება მიაქციეთ დეტალებს, რადგან მცირე შეცდომამ შეიძლება ფინანსურად დაგაზარალოთ. პირად ცხოვრებაში სიტუაციის განვითარება დიდწილად იმაზეა დამოკიდებული პრობლემას როგორ უყურებთ. გარეგნობის ან გარდერობის შეცვლა თავდაჯერებას შეგმატებთ და განწყობას აგიმაღლებთ.
მერწყული
სანამ ყველა დაწყებულ საქმეს არ დაასრულებთ, დამატებითი ვალდებულებების აღებას უნდა მოერიდოთ. ენერგიის ნაკლებობას არ უჩივით, მაგრამ სამუშაოზე ყურადღების გადატანა გიჭირთ, ამიტომ შეიძლება გეგმების შეცვლა მოგიწიოთ. ნუ გადაიღლებით, რათა ჯანმრთელობა არ დაიზიანოთ.
თევზები
ეს დღე შესაფერისია მსუბუქი სამუშაოსთვის. ამჟამად თქვენი სასიცოცხლო ენერგია დაბალია და გამუდმებით დასვენება გსურთ. პიროვნული ხიბლი დაგეხმარებათ, რომ საჭირო ადამიანების კეთილგანწყობა მოიპოვოთ და მიზანს ადვილად მიაღწიოთ. ახალ ნაცნობებზე ისეთ შთაბეჭდილებას მოახდენთ, რომ მზად არიან, თქვენს ნებისმიერ იდეას მხარი დაუჭირონ.
კომენტარები