„მთის ამბების“ დამფუძნებელი, ჟურნალისტი გელა მთივლიშვილი სოციალურ ქსელში წერს:
„გვიან საღამოს რუსთაველის გამზირზე გავედი. სამწუხაროდ, ყოველდღე ვერ ვახერხებ იქ ყოფნას. ბოლო დღეებში უმეტესად თბილისში არ ვარ ფიზიკურად. დღეს დემონსტრანტები პროტესტის ნიშნად ნიღბებით აპირებდნენ მსვლელობას, გააკეთეს კიდეც. რუსთაველი დღესაც გადაიკეტა. აქციის მონაწილეები გზაზე მას შემდეგ გადავიდნენ, რაც იქაურობა პოლიციამ დატოვა. კოლეგებთან ერთად მეც გადავედი გზაზე, სწრაფად რომ ვყოფილიყავით იქ, სადაც პროფესიულად საჭირო ვიქნებოდით.
სწორედ ამ დროს მომადგა საპატრულო პოლიციის რამდენიმე თანამშრომელი. ხელმძღვანელმა თითის გამოშვერით გამომარჩია და მივხვდი, მე მეუბნება: იდენტიფიცირებული ხარ. არ არის ხალხის საკმარისი რაოდენობა, გზა რომ გადაგეკეტათ. ჯარიმა 5000 ლარი.
არც გაფრთხილება, არც კანონის მითითება, არც მოთხოვნა, რომ გზიდან გადავსულიყავით. პირდაპირ მონიშვნა და მუქარა, რომ 5000 ლარიანი ჯარიმა დამეკისრება. არაფრის თქმა არ მაცალა, თქვა და გავიდა ამალით.
თქვენი შეშინებული არ გაიშვა! კეკელიძეზეც პროფესიულ მოვალეობას რომ ვასრულებდი, როცა მეცით და უკანონოდ დამაკავეთ, მერე მანქანაში რომ მახრჩობდით, ეგ საქმე ხომ წავიღე სტრასბურგში, მეორესაც მივაყოლებ.
დაგეწვათ შჩერბაკოვი“
კომენტარები