,, ამ პოზიციის აკრძალვა ისეთივე დიქტატიზმია, რასაც დღეს (ვ)ებრძვით” – არჩილ გამზარდია

ანალიტიკოსი არჩილ გამზარდია:

,,მიმდინარე პროცესებში თავს მხარედაც მივიჩნევ და ხისტი და მკაფიო პოზიცია მაქვს, მაგრამ თუ ვინმე გაურკვევლობაშია, შიშებშია და შუალედური პოზიციები მაქვს, ამ პოზიციის აკრძალვა ისეთივე დიქტატიზმია, რასაც დღეს (ვ)ებრძვით…

ვინც ამა თუ იმ პოზიციის უფლებას კრძალავს (სახელისუფლებოს თუ ანტისახელისუფლებოს), ესეც დიქტატიზმია.

პოზიციის აკრძალვა ან იძულება თავისთავად დიქტატიზმია.

თუ ძალისხმევა ამჟამინდელი დიქტატის ჩანაცვლებაზე იქნება და არა მეტი დემოკრატიზმის შემოტანაზე, ე.ი. მხოლოდ პერსონალიები თუ შეიცვლება და არა არსი.

ჩვენი მიზანი უნდა იყოს დემოკრატიზმის შემოტანა და გაძლიერება – დარწმუნება და არა იძულება – ესაა თანამედროვე ცივილიზებული მსოფლიოს სტანდარტი.

პოლიტიკურ კონკურენტებს შეიძლება სძულდეთ ერთმანეთი, მაგრამ დემოკრატიის პირობებში ისინი არ დევნიან ერთმანეთს, დევნა დიქტატის დამახასიათებელია.

დიახ, მოქალაქეს აქვს უფლება იყოს ე.წ. ხელისუფლების მოწინააღმდეგე.

დიახ, მოქალაქეს აქვს უფლება იყოს ე.წ. ხელისუფლების მომხრე.

დიახ, მოქალაქეს აქვს უფლება იყოს გაურკვეველი და ძიებაში მყოფი ან ყველას მოწინააღმდეგეც.

იძულების და დევნის პოლიტიკით ჩვენ სწორედ იმ ე.წ. ხელისუფლებას დავემსგავსებით, რომელიც მიუღებელია და რომელიც კომუნისტური პარტიის ანალოგია, მაგრამ არც მოწინააღმდეგე უნდა წარმოადგენდეს ნეოკომუნისტს.

მეტი დემოკრატია გვჭირდება ცნობიერებაში ყველგან, თორემ ბუნება თითქმის ყველას ისედაც ტოტალიტარული გვაქვს.”