ფორმულას ჟურნალისტი დავით ქაშიაშვილი ამბობს, რომ 2 დეკემბერს მისი შვილის კლასში წინა ღამით, აქციაზე განვითარებულ მოვლენებს განიხილავდნენ, რა დროსაც ბავშვებთან პოლემიკაში მასწავლებელი შევიდა, რომელმაც პროტესტის მონაწილეების შეურაცხყოფა მიაყენა და მათთვის “ოროსნებისა და მოძალადეების” დაძახება დაიწყო.
დავით ქაშიაშვილის თანახმად, ამის შემდეგ ერთ-ერთმა მოსწავლემ მასწავლებელს Facebook-ზე გავრცელებული ვიდეო აჩვენა, სადაც დავით ქაშიაშვილი და მოხუცი ქალი ჩანან, რომელსაც წყლის ჭავლისგან იცავენ, ვიდეოს ნახვის შემდეგ კი მასწავლებელმა არ შეწყვიტა აქციის მონაწილეთა შეურაცხყოფა და ხაზგასმით უთხრა კლასს, რომ მისი მოსწავლის მამა, ჟურნალისტი დავით ქაშიაშვილიც “ოროსანია”.
დავით ქაშიაშვილის თქმით, მასწავლებლის მხრიდან ბულინგის გაგრძელების შემდეგ, კლასმა პროტესტის ნიშნად საკლასო ოთახი დატოვა, სკოლის ადმინისტრაციამ კი მშობლების მიმართვის საფუძველზე კლასისთვის ინგლისურის მასწავლებლის გამოცვლის გადაწყვეტილება მიიღო.
დავით ქაშიაშვილის თქმით, მომხდარი ფაქტის შემდეგ მასწავლებელი კვლავ განაგრძობს სოციალურ ქსელში აქციის მონაწილეთა დისკრიმინაციას, მათ მოძალადეებად გამოცხადებას და აგრძელებს მშობლების ბულინგს, რაც მისივე თქმით, ფსიქოლოგიურ სტრესში ამყოფებს ბავშვებს.
ამ მიზეზით დავით ქაშიაშვილი განათლების მინისტრს ალექსანდრე წულაძეს განცხადებით მიმართავს და სთხოვს, მიიღონ შესაბამისი ზომები, რათა პედაგოგმა შეწყვიტოს ბავშვებისა და მათი მშობლების ბულინგი.
მასწავლებლის პოსტი Facebook-ზე:
კომენტარები