29 ნოემბრიდან ბრძანების გაუქმებამდე პარლამენტის შენობაში უსაფრთხოების წითელი დონე იმოქმედებს. ინფორმაციას პარლამენტის პრესსამსახური ავრცელებს.
წითელი დონის დროს საქართველოს პარლამენტში არ დაიშვება არცერთი პირი, გარდა პარლამენტის აპარატის უფროსის მიერ საფრთხის სპეციფიკისა და მისი თავიდან აცილების საჭიროების შესაბამისად განსაზღვრული პირებისა.
განცხადების თანახმად, უსაფრთხოების დამატებითი ზომები მოქმედებს “საქართველოს პარლამენტის სასახლეში უსაფრთხოების დაცვის წესის დამტკიცების თაობაზე” საქართველოს პარლამენტის თავმჯდომარის 2023 წლის 04 სექტემბრის N1/259/23 ბრძანების შესაბამისად.
კომენტარები