საერთაშორისო სასაქონლო ბირჟაზე შაქრის ფასი იზრდება. საერთო ჯამში, გასულ წელთან შედარებით ნედლეული 7.5%-ითაა გაძვირებული. ზემოხსენებული საქონლის გაძვირება, ცხადია, შოკოლადის, ნამცხვრების და ტკბილეულის ფასების ზრდას უწყობს ხელს.
ბაზარზე არსებული ტენდენციის განმაპირობებელ მიზეზად ექსპერტები კლიმატურ ცვლილებას და ტემპერატურის ზრდას ასახელებენ. აზიისა და აფრიკის რეგიონში რეკორდული უნალექობისა და სიცხის ფონზე, შაქრისა და კაკაოს პლანტაციები ნადგურდება, მოსავლის დაზიანება კი საერთაშორისო ბაზარზე მიწოდების შემცირებას იწვევს.
უახლოეს მომავალში მწარმოებლები ფასების მაღალ ნიშნულზე შენარჩუნებას მოელიან. თუკი მიწოდების შეზღუდვა დიდი ხნით გაგრძელდება, მაშინ ტკბილეულის მწარმოებლები შრინკფლაციის სტრატეგიაზე გადართვის პერსპექტივას განიხილავენ, რაც პროდუქტის ზომისა და წონის შემცირებას გულისხმობს, ფასის უცვლელად დატოვების ფონზე.
კომენტარები